ടൊറന്റോ: കാനഡയിലെ സ്കാർബ്റോയിൽ ഉണ്ടായ അടിയന്തര സാഹചര്യത്തെത്തുടർന്ന് രണ്ട് വയസ്സുള്ള കുട്ടിയെ അതീവ ഗുരുതരാവസ്ഥയിൽ ആശുപത്രിയിൽ പ്രവേശിച്ചു. സംഭവവുമായി ബന്ധപ്പെട്ട് കുട്ടിയുടെ അമ്മയെ ടൊറന്റോ പൊലീസ് കസ്റ്റഡിയിലെടുത്തു. ചൊവ്വാഴ്ച രാവിലെ 9:40 ഓടെയാണ് പോർട്ട് റോയൽ ട്രയലിലെ വീട്ടിൽ നിന്ന് റിപ്പോർട്ട് ലഭിച്ചതിനെ തുടർന്ന് പാരാമെഡിക്സ് സ്ഥലത്തെത്തിയത്. ബ്രിംലി റോഡിനും സ്റ്റീൽസ് അവന്യൂ ഈസ്റ്റിനും സമീപമുള്ള വീട്ടിലാണ് സംഭവം. കുട്ടിയെ ഉടൻ തന്നെ ആശുപത്രിയിൽ എത്തിച്ചു. ചൊവ്വാഴ്ച രാത്രി വൈകിയും കുട്ടിയുടെ നില അതീവ ഗുരുതരമായി തുടരുകയാണെന്ന് പൊലീസ് സ്ഥിരീകരിച്ചു. കുട്ടിയുടെ അമ്മയെ പൊലീസ് കസ്റ്റഡിയിലെടുത്തിട്ടുണ്ട്. എന്നാൽ ഇവരുടെ പേരോ മറ്റ് വിവരങ്ങളോ പൊലീസ് പുറത്തുവിട്ടിട്ടില്ല. മെഡിക്കൽ എമർജൻസിയിലേക്ക് നയിച്ച സാഹചര്യങ്ങൾ എന്താണെന്ന് പോലീസ് ഇതുവരെ വെളിപ്പെടുത്തിയിട്ടില്ല. നിലവിൽ അന്വേഷണം പുരോഗമിക്കുകയാണ്.
കുട്ടിയുടെ പ്രായമോ ലിംഗമോ സംബന്ധിച്ച വിവരങ്ങൾ ആദ്യം പാരാമെഡിക്സ് നൽകിയിരുന്നില്ലെങ്കിലും, പിന്നീട് പോലീസ് സ്രോതസ്സുകൾ വഴിയാണ് ഏകദേശം രണ്ട് വയസ്സ് പ്രായമുള്ള കുട്ടിയാണെന്ന വിവരം പുറത്തുവന്നത്. സംഭവത്തിൽ ഇതുവരെ ഔദ്യോഗികമായി കുറ്റപത്രം സമർപ്പിച്ചിട്ടില്ല.
