നാറ്റല്‍ ഡേ ആഘോഷം: ഹാലിഫാക്‌സ്-ഡാര്‍ട്ട്മൗത്ത് മക്‌ഡോണള്‍ഡ് പാലം ഞായറാഴ്ച അടച്ചിടും

ഹാലിഫാക്‌സ്: നോവസ്‌കോഷയിലെ ഹാലിഫാക്‌സിനെയും ഡാര്‍ട്ട്മൗത്തിനെയും ബന്ധിപ്പിക്കുന്ന മക്‌ഡോണള്‍ഡ് പാലം (Macdonald Bridge) ഞായറാഴ്ച അടച്ചിടുമെന്ന് ഹാലിഫാക്‌സ് ഹാര്‍ബര്‍ ബ്രിഡ്ജസ് അറിയിച്ചു. രാവിലെ 8 മണി മുതല്‍ വൈകുന്നേരം 5:30 വരെ പാലത്തിലൂടെയുള്ള വാഹനഗതാഗതം പൂര്‍ണ്ണമായും നിരോധിക്കും. വാര്‍ഷിക നാറ്റല്‍ ഡേ (Natal Day) വാരാന്ത്യ ആഘോഷങ്ങളുടെ ഭാഗമായാണ് പാലം അടച്ചിടുന്നത്.

ആഘോഷങ്ങളുടെ ഭാഗമായി പ്രശസ്തമായ ‘ഹാര്‍ബര്‍ ഹസ്റ്റില്‍’ (Harbour Hustle) റണ്‍ രാവിലെ 10 മണിക്ക് ആരംഭിക്കും. ഹാലിഫാക്‌സില്‍ നിന്ന് ഡാര്‍ട്ട്മൗത്തിലേക്ക് ഒരു മൈല്‍ ദൂരത്തില്‍ നടക്കുന്ന ഈ ഓട്ടത്തില്‍ എല്ലാ പ്രായക്കാര്‍ക്കും പങ്കെടുക്കാം. ഇതിനായി മുന്‍കൂട്ടി രജിസ്റ്റര്‍ ചെയ്യേണ്ടതുണ്ട്.

തുടര്‍ന്ന് ഉച്ചയ്ക്ക് 2 മണി മുതല്‍ 4 മണി വരെ സൗജന്യമായി പൊതുജനങ്ങള്‍ക്ക് പങ്കെടുക്കാവുന്ന ‘ബ്രിഡ്ജ്വാക്ക് 2026’ (BRIDGEWALK 2026) നടക്കുമെന്ന് അധികൃതര്‍ അറിയിച്ചു. കുടുംബങ്ങള്‍ക്കും സാധാരണക്കാര്‍ക്കും പാലത്തിലൂടെ നടന്നു ആസ്വദിക്കാന്‍ ഇതിലൂടെ അവസരം ലഭിക്കും.

ഈ സമയങ്ങളില്‍ ടോള്‍ രഹിത സസ്‌പെന്‍ഷന്‍ പാലത്തില്‍ സംഗീത ബാന്‍ഡുകളുടെ പ്രകടനങ്ങള്‍, വിവിധ വിനോദ പരിപാടികള്‍, സ്റ്റാളുകള്‍ എന്നിവ സജ്ജീകരിക്കുമെന്നും സംഘാടകര്‍ വ്യക്തമാക്കി.