വാഷിംഗ്ടൺ: കാനഡ-അമേരിക്ക വ്യാപാര സംഘർഷം കൂടുതൽ രൂക്ഷമാകുന്നതിനിടെ കാനഡയിൽ നിന്നുള്ള ചില മദ്യ ഉൽപ്പന്നങ്ങളുടെ അമേരിക്കൻ ഇറക്കുമതിക്ക് നിരോധനം ഏർപ്പെടുത്താനുള്ള നടപടിയുമായി പ്രസിഡന്റ് ഡൊണാൾഡ് ട്രംപ്. വൈറ്റ് ഹൗസിന്റെ പ്രഖ്യാപനപ്രകാരം, നിർദ്ദിഷ്ട കനേഡിയൻ മദ്യ ഉൽപ്പന്നങ്ങളുടെ ഇറക്കുമതി സെപ്റ്റംബർ 29, 2026 മുതൽ നിരോധിക്കപ്പെടും.
അതേസമയം, അയർലൻഡ് സന്ദർശനത്തിനിടെ ഐറിഷ് വിസ്കിക്ക് ചുമത്തിയിരുന്ന 10 ശതമാനം താരിഫ് ഒഴിവാക്കുമെന്ന് ട്രംപ് പ്രഖ്യാപിച്ചു. ഐറിഷ് പ്രധാനമന്ത്രി മിഹോൾ മാർട്ടിനുമായും മറ്റുള്ളവരുമായും നടത്തിയ ചർച്ചകൾക്ക് പിന്നാലെയാണ് പ്രഖ്യാപനം. തീരുമാനം ഐറിഷ് വിസ്കി വ്യവസായം സ്വാഗതം ചെയ്തു.
കാനഡയ്ക്കെതിരായ പുതിയ നടപടി നേരത്തെ ഏർപ്പെടുത്തിയിരുന്ന 50 ശതമാനം അധിക തീരുവയുമായി ബന്ധപ്പെട്ട വ്യാപാര നടപടികളുടെ തുടർച്ചയാണ്. സെപ്റ്റംബർ 29ന് ശേഷം നിരോധനത്തിന് വിധേയമാകുന്ന ഉൽപ്പന്നങ്ങളുടെ വ്യാപാരത്തെ ഇത് ബാധിക്കുമെന്നതിനാൽ കനേഡിയൻ മദ്യ നിർമ്മാതാക്കൾക്കും കയറ്റുമതിക്കാർക്കും പുതിയ വെല്ലുവിളിയാണ് ഉയരുന്നത്.
