ഓട്ടവ: ഓട്ടവയിലെ ഒ-ട്രെയിന് ലൈന് 4-ല് ട്രെയിന് ഗതാഗതം വെള്ളിയാഴ്ച രാവിലെ താല്ക്കാലികമായി നിര്ത്തിവെച്ചതായി ഒസി ട്രാന്സ്പോ (OC Transpo) അറിയിച്ചു. ലൈന് 4-ലെ എയര്പോര്ട്ട് സ്റ്റേഷനിലേക്ക് ട്രെയിന് സര്വീസുകള് ലഭ്യമായിരിക്കില്ലെന്ന് രാവിലെ 8:20 ഓടെ ഏജന്സി സോഷ്യല് മീഡിയയിലൂടെ വ്യക്തമാക്കി.
എയര്പോര്ട്ട്, ഗ്രീന്ബോറോ സ്റ്റേഷനുകള്ക്കിടയില് പകരം റൂട്ട് 105 ബസ് സര്വീസ് ഏര്പ്പെടുത്തിയിട്ടുണ്ടെന്നും ലൈന് 2 സേവനങ്ങള് തടസ്സമില്ലാതെ തുടരുന്നുണ്ടെന്നും അധികൃതര് അറിയിച്ചു. ലൈന് 4-ലെ സര്വീസ് എത്രയും വേഗം പുനഃസ്ഥാപിക്കാനുള്ള ശ്രമങ്ങള് നടക്കുകയാണെന്നും ഒസി ട്രാന്സ്പോ വ്യക്തമാക്കി. സര്വീസ് തടസ്സപ്പെടാനുള്ള വ്യക്തമായ കാരണം അറിയാന് സിബിസി ന്യൂസ് അധികൃതരുമായി ബന്ധപ്പെട്ടിട്ടുണ്ട്.
2025 ജനുവരിയില് പ്രവര്ത്തനം ആരംഭിച്ച ലൈന് 4, സിഗ്നലിങ് തകരാര് കാരണം ഈ മാസമാദ്യവും ജീവനക്കാരുടെ കുറവ് മൂലം മെയ്, ജൂണ് മാസങ്ങളിലും താല്ക്കാലികമായി നിര്ത്തിവെച്ചിരുന്നു.
