ന്യൂയോര്‍ക്ക്: എഐ സ്റ്റാർട്ടപ്പായ ഡീപ് സീക്കിനെ പ്രശംസിച്ച് ഓപ്പൺ എഐ സിഇഒ സാം ഓൾട്ട്മാൻ. ഡീപ് സീക്കിൻ്റെ R1 ശ്രദ്ധേയമായ ഒരു മോഡലാണെന്നും ഒരു പുതിയ എതിരാളി ലഭിക്കുന്നത് ഉന്മേഷദായകമാണെന്നും സാം ഓൾട്ട്മാൻ തന്റെ ഔദ്യോഗിക എക്സ് പോസ്റ്റിലൂടെ പ്രതികരിച്ചു. ഓപ്പൺ എഐയ്ക്ക് ഇതിലും മികച്ച മോഡലുകൾ നൽകാനുള്ള കഴിവുണ്ടെന്നും സാം ഓൾട്ട്മാൻ കുറിച്ചു.
ഓപ്പണ്‍ എഐ, ജെമിനി, മെറ്റ എഐ, ഗ്രോക്ക് തുടങ്ങിയ വമ്പന്‍ എഐ ചാറ്റ് ബോട്ടുകള്‍ക്കിടയിലേക്കാണ് ചൈനയില്‍ നിന്നുള്ള ആര്‍ട്ടിഫിഷ്യല്‍ ഇന്റലിജന്‍സ് മോഡല്‍ ഡീപ്‌സീക്ക് എത്തിയത്. പുറത്തിറങ്ങി ഒരാഴ്ച കൊണ്ട് തന്നെ ആഗോളതലത്തില്‍ ഡീപ് സീക്ക് ചര്‍ച്ചയായത്. ഡീപ് സീക്കിന്റെ വളര്‍ച്ചയ്ക്ക് തൊട്ടുപിന്നാലെ അമേരിക്കയിലെ ഉള്‍പ്പടെ പ്രധാന എഐ സ്ഥാപനങ്ങളുടെ ഓഹരികള്‍ കുത്തനെ ഇടിഞ്ഞിരുന്നു.
മാത്രമല്ല അമേരിക്കയില്‍ പോലും ഏറ്റവും കൂടുതല്‍ പേര്‍ ഡൗണ്‍ലോഡ് ചെയ്യുന്ന സൗജന്യ ആപ്ലിക്കേഷനായി ഡീപ്‌സീക്ക് മാറിയെന്നാണ് കണക്കുകള്‍ സൂചിപ്പിക്കുന്നത്.
