ലണ്ടൻ ഒൻ്റാരിയോ : അഞ്ച് മുൻ കനേഡിയൻ ലോക ജൂനിയർ ഹോക്കി താരങ്ങളുടെ ലൈംഗികാതിക്രമക്കേസിലെ വിചാരണ ലണ്ടൻ ഒൻ്റാരിയോയിൽ ആരംഭിച്ചു. വിചാരണയിലുടനീളം അവതരിപ്പിക്കാൻ ഉദ്ദേശിക്കുന്ന തെളിവുകളുടെ രൂപരേഖയുമായി പ്രോസിക്യൂഷൻ്റെ ആദ്യ വാദം ഇന്ന് അവതരിപ്പിക്കും. ഫെഡറൽ തിരഞ്ഞെടുപ്പ് നടക്കുന്നതിനാൽ, ജൂറി അംഗങ്ങൾക്ക് വോട്ട് ചെയ്യാനായി കോടതി നടപടികൾ ഇന്ന് നേരത്തെ അവസാനിപ്പിക്കും.
മൈക്കൽ മക്ലിയോഡ്, കാർട്ടർ ഹാർട്ട്, അലക്സ് ഫോർമെൻ്റൺ, ഡിലൺ ഡ്യൂബ്, കാൽ ഫൂട്ട് എന്നിവരാണ് പ്രതികൾ. 2018-ലെ ഹോക്കി കാനഡ ഗാല ഇവൻ്റിന് ശേഷം ലണ്ടൻ ഒൻ്റാരിയോയിൽ നടന്ന ലൈംഗികാതിക്രമവുമായി ബന്ധപ്പെട്ട് ഡ്യൂബ്, ഹാർട്ട്, മക്ലിയോഡ്, ഫൂട്ട്, ഫോർമെൻ്റൺ എന്നിവർക്കെതിരെ കഴിഞ്ഞ വർഷം ആദ്യം കേസെടുത്തിരുന്നു.
