റെജൈന : ജെയിംസ് സ്മിത്ത് ക്രീ നേഷനിൽ അതിവേഗം പടർന്നു പിടിച്ച കാട്ടുതീയിൽ നാല് വീടുകൾ കത്തിനശിച്ചതായി റിപ്പോർട്ട്. അനിയന്ത്രിതമായ കാട്ടുതീയെ തുടർന്ന് നിരവധി പേരെ ഒഴിപ്പിച്ചതായും സസ്കാച്വാൻ പബ്ലിക് സേഫ്റ്റി ഏജൻസി (SPSA) അറിയിച്ചു. തീ ഏകദേശം 100 ഹെക്ടർ വിസ്തൃതിയിൽ പടർന്നു പിടിച്ചിട്ടുണ്ട്. ദുരിതബാധിതരായ താമസക്കാരെ ബെനാർഡ് കോൺസ്റ്റന്റ് കമ്മ്യൂണിറ്റി സ്കൂളിലേക്ക് (BCCS) മാറ്റി.
SPSA-യുടെ വാട്ടർ ബോംബറുകൾക്ക് പുറമേ, മെൽഫോർട്ട്, കിനിസ്റ്റിനോ, ഗാർഡൻ റിവർ, മസ്കോഡേ ഫസ്റ്റ് നേഷൻ എന്നിവയുൾപ്പെടെ ഒന്നിലധികം അഗ്നിശമന വകുപ്പുകളിൽ നിന്നുള്ള സംഘങ്ങൾ പ്രദേശത്ത് കാട്ടുതീ നിയന്ത്രണവിധേയമാക്കാൻ പരിശ്രമിക്കുന്നുണ്ട്.
