ഓട്ടവ : ആറ് മാസത്തിനിടയിലെ ഏറ്റവും വലിയ പിഎൻപി എക്സ്പ്രസ് എൻട്രി നറുക്കെടുപ്പ് നടത്തി ഇമിഗ്രേഷൻ, റെഫ്യൂജീസ് ആൻഡ് സിറ്റിസൺഷിപ്പ് കാനഡ (ഐആർസിസി). പ്രൊവിൻഷ്യൽ നോമിനി പ്രോഗ്രാം (പിഎൻപി) ഉദ്യോഗാർത്ഥികൾക്കായി നവംബർ 10-ന് നടന്ന ഈ നറുക്കെടുപ്പിൽ 714 അപേക്ഷകർക്ക് ഐആർസിസി ഇൻവിറ്റേഷൻ നൽകി. 738 എന്ന കുറഞ്ഞ സമഗ്ര റാങ്കിംഗ് സിസ്റ്റം (CRS) സ്കോർ ഉള്ള അപേക്ഷകരെയാണ് ഈ നറുക്കെടുപ്പിൽ ഐആർസിസി പരിഗണിച്ചത്.
നവംബറിലെ ആദ്യത്തേതും മൂന്ന് വർഷത്തേക്കുള്ള ഐആർസിസിയുടെ ഇമിഗ്രേഷൻ ലെവൽ പ്ലാൻ പ്രഖ്യാപിച്ചതിന് ശേഷമുള്ള ആദ്യത്തെ എക്സ്പ്രസ് എൻട്രി നറുക്കെടുപ്പുമായിരുന്നു ഇന്ന് നടന്നത്. കൂടാതെ ഏപ്രിൽ 14 ന് ഐആർസിസി 825 ഉദ്യോഗാർത്ഥികൾക്ക് ഇൻവിറ്റേഷൻ നൽകിയതിനുശേഷം എക്സ്പ്രസ് എൻട്രി സിസ്റ്റത്തിന് കീഴിൽ നടക്കുന്ന ഏറ്റവും വലിയ PNP നറുക്കെടുപ്പാണിത്. ഇതുവരെ, 2025 ൽ എക്സ്പ്രസ് എൻട്രി സിസ്റ്റം വഴി IRCC 81,223 ITAകൾ നൽകിയിട്ടുണ്ട്.
