എഡ്മിന്റൻ : ആൽബർട്ട പ്രീമിയർ ഡാനിയേൽ സ്മിത്തിന് കുരുക്കായി റീകോൾ ഹർജികൾ. സ്മിത്തിന്റെ യുണൈറ്റഡ് കൺസർവേറ്റീവ് പാർട്ടി കോക്കസിലെ അഞ്ച് അംഗങ്ങൾക്കെതിരെയുള്ള റീകോൾ ഹർജികൾ കൂടി അംഗീകരിച്ചതായി ഇലക്ഷൻസ് ആൽബർട്ട റിപ്പോർട്ട് ചെയ്തു. ഇതോടെ ആകെ എണ്ണം കോക്കസ് അംഗങ്ങളുടെ എണ്ണം 14 ആയി. ഇതോടെ നിയമസഭയിലെ 47 യുണൈറ്റഡ് കൺസർവേറ്റീവ് അംഗങ്ങളിൽ ഏകദേശം മൂന്നിലൊന്ന് പേർ തിരിച്ചുവിളിക്കപ്പെടുമെന്നാണ് അർത്ഥമാക്കുന്നത്.
കാബിനറ്റ് മന്ത്രിമാരായ സിയർ ടർട്ടൺ, നഥാൻ ന്യൂഡോർഫ്, ജേസൺ സ്റ്റീഫൻ, ജാക്കി ലവ്ലി, ഗ്ലെൻ വാൻ ഡിജ്കെൻ എന്നിവർക്കെതിരെയുള്ള റീകോൾ ഹർജികളാണ് പുതുതായി അംഗീകരിച്ചത്. കാബിനറ്റ് മന്ത്രിമാരായ രാജൻ സാവ്നി, മൈൽസ് മക്ഡൗഗൾ, ഡെയ്ൽ നാലി, ആർജെ സിഗുർഡ്സൺ, ഡെമെട്രിയോസ് നിക്കോളൈഡ്സ്, നോളൻ ഡിക്ക്, ഡെപ്യൂട്ടി സ്പീക്കർ ആഞ്ചല പിറ്റ് എന്നിവർക്കെതിരെയുള്ള ഹർജികളാണ് നേരത്തെ അംഗീകരിച്ചത്.
ആൽബർട്ടയുടെ റീകോൾ നിയമപ്രകാരം, ഒരു റൈഡിങ്ങിലെ ഏതൊരു പൗരനും അവരുടെ എംഎൽഎ തങ്ങളുടെ ചുമതലകൾ നിർവഹിക്കുന്നതിൽ പരാജയപ്പെട്ടതായി തോന്നിയാൽ അവരുടെ ലെജിസ്ലേറ്റീവ് അംഗത്തെ തിരിച്ചുവിളിക്കാൻ ശ്രമിക്കുന്നതിനായി ഒപ്പുകൾ ശേഖരിക്കാൻ ആവശ്യപ്പെടാം.
