ഓട്ടവ : കാനഡയിലെ ഗ്രോസറി വിപണിയിൽ സുതാര്യതയും നീതിയും ഉറപ്പാക്കുന്ന പുതിയ പെരുമാറ്റച്ചട്ടം (ഗ്രോസറി കോഡ് ഓഫ് കണ്ടക്ട്) ഇന്ന് മുതൽ പ്രാബല്യത്തിൽ. വൻകിട വ്യാപാരികൾ, വിതരണക്കാർ, മൊത്തക്കച്ചവടക്കാർ എന്നിവർക്കിടയിലുള്ള ബിസിനസ് ഇടപാടുകൾ കൂടുതൽ സുതാര്യമാക്കാനും തർക്കങ്ങൾ വേഗത്തിൽ പരിഹരിക്കാനും ചട്ടം ലക്ഷ്യമിടുന്നു.
നേരത്തെ വിതരണക്കാരിൽ നിന്ന് വൻകിട കമ്പനികൾ ഈടാക്കിയിരുന്ന അനാവശ്യ ഫീസുകളും പിഴകളും നിയന്ത്രിക്കാൻ ചട്ടത്തിലൂടെ സാധിക്കും. ലോബ്ലാ (Loblaw), വാൾമാർട്ട് (Walmart), കോസ്റ്റ്കോ (Costco), മെട്രോ (Metro), എംപയർ (Empire – Sobeys ഉടമകൾ) എന്നീ അഞ്ച് പ്രമുഖ ഗ്രോസറി ശൃംഖലകളും ഈ ചട്ടത്തിൽ ഒപ്പിട്ടിട്ടുണ്ട്. വിതരണ ശൃംഖലയിലെ പ്രശ്നങ്ങൾ പരിഹരിക്കുന്നതിലൂടെ ഭാവിയിൽ സാധനങ്ങളുടെ വില നിയന്ത്രണവിധേയമാകാനും ഉപഭോക്താക്കൾക്ക് കൂടുതൽ ഉൽപ്പന്നങ്ങൾ തിരഞ്ഞെടുക്കാനും ഇത് സഹായകമായേക്കും.
