ഓട്ടവ : സാൽമൊണെല്ല മലിനീകരണത്തിന് സാധ്യതയെ തുടർന്ന് സി ജി മെയ് ബ്രാൻഡ് വുഹാൻ എഗ് ഷീറ്റുകൾ തിരിച്ചുവിളിച്ചതായി കനേഡിയൻ ഫുഡ് ഇൻസ്പെക്ഷൻ ഏജൻസി (CFIA) അറിയിച്ചു. ഈ ഉൽപ്പന്നം ആൽബർട്ടയിലും ബ്രിട്ടിഷ് കൊളംബിയയിലും വിറ്റഴിച്ചതായി ഏജൻസി റിപ്പോർട്ട് ചെയ്തു.
സി ജി മെയ്സ് വുഹാൻ എഗ് ഷീറ്റുകൾ ഗ്ലൂട്ടിനസ് റൈസ് കഴിച്ചതുമായി ബന്ധപ്പെട്ട് നിരവധി പേർക്ക് അസുഖം ബാധിച്ചതായി റിപ്പോർട്ട് ചെയ്തിട്ടുണ്ട്. തിരിച്ചുവിളിച്ച ഉൽപ്പന്നം ഉപേക്ഷിക്കുകയോ വാങ്ങിയ സ്റ്റോറിൽ തിരികെ നൽകുകയോ ചെയ്യണമെന്ന് CFIA ഉപഭോക്താക്കളോട് നിർദ്ദേശിച്ചു. തിരിച്ചുവിളിച്ച ഉൽപ്പന്നം കഴിക്കുന്നതിലൂടെ രോഗബാധിതരായതായി അനുഭവപ്പെട്ടാൽ ഉടൻ ആരോഗ്യ പ്രവർത്തകരുമായി ബന്ധപ്പെണം. പനി, തലവേദന, ഛർദ്ദി, ഓക്കാനം, വയറുവേദന, വയറിളക്കം എന്നിവ സാൽമൊണെല്ലയുടെ ലക്ഷണങ്ങളിൽ ഉൾപ്പെടുന്നു. കുട്ടികൾ, ഗർഭിണികൾ, പ്രായമായവർ, രോഗപ്രതിരോധ ശേഷി കുറഞ്ഞവർ എന്നിവർക്കാണ് കൂടുതൽ ഗുരുതരമായ അണുബാധകൾ ഉണ്ടാകാൻ സാധ്യതയുള്ളത്.
