Realme GT 2 സ്മാര്‍ട്ട് ഫോണുകള്‍ വിപണിയില്‍ അവതരിപ്പിച്ചു. Realme GT 2 Pro സ്മാര്‍ട്ട് ഫോണുകള്‍ക്ക് പിന്നാലെയാണ് കൂടുതല്‍ സവിശേഷതകള്‍ ഉള്‍ക്കൊള്ളിച്ചുകൊണ്ട് Realme GT 2 അവതരിപ്പിച്ചത്.6.62 ഇഞ്ച് E4 AMOLED ഡിസ്പ്ലേയാണ് ഈ സ്മാര്‍ട്ട്ഫോണുകള്‍ക്കുള്ളത്. കൂടാതെ, 1080 പിക്സല്‍ റെസല്യൂഷനും Gorilla Glass 5 സംരക്ഷണവും ഉറപ്പു നല്‍കുന്നുണ്ട്. Qualcomm Snapdragon 888 പ്രോസസറുകളിലാണ് പ്രവര്‍ത്തനം.
8 ജിബി റാമില്‍ 128 ജിബി ഇന്‍റേണല്‍ സ്റ്റോറേജും കൂടാതെ, 12ജിബി റാമില്‍ 256 സ്റ്റോറേജും എന്നിങ്ങനെ രണ്ട് വേരിയന്‍റ് ലഭ്യമാണ്. ട്രിപ്പിള്‍ പിന്‍ ക്യാമറകളാണ് ഇവയ്ക്ക് നല്‍കിയിരിക്കുന്നത്. 50 മെഗാപിക്സല്‍, 8 മെഗാ പിക്സല്‍, 2 മെഗാപിക്സല്‍ ട്രിപ്പിള്‍ ക്യാമറകളും കൂടാതെ 16 മെഗാപിക്സല്‍ സെല്‍ഫി ക്യാമറകളുമാണ് ഇതിനുള്ളത്.
ആന്‍ഡ്രോയ്ഡ് 12 ലാണ് പ്രവര്‍ത്തിക്കുന്നത്. 8 ജിബി റാമിന്‍റെ വില 34,999 രൂപയും 12 ജിബി റാമിന്‍റെ വില 38,999 രൂപയുമാണ്.
