തിരുവനന്തപുരം: ഭാര്യ ബിന്ദു മേനോന് ഉന്നയിച്ച വിവാദ ആരോപണങ്ങളില് മന്ത്രി കെ.ബി. ഗണേഷ് കുമാര് രാജി വെക്കില്ല. മുഖ്യമന്ത്രി പിണറായി വിജയനെ നേരിട്ട് കണ്ട് ഗണേഷ് കുമാര് കാര്യങ്ങള് വിശദീകരിച്ചു. കുടുംബ പ്രശ്നങ്ങള് രാഷ്ട്രീയമല്ലെന്നാണ് ഗണേഷിന്റെ നിലപാട്. രാജി അഭ്യൂഹം മാധ്യമങ്ങള് ഉണ്ടാക്കിയതെന്ന് കെ ബി ഗണേഷ് കുമാര് പ്രതികരിച്ചു.
ഭാര്യ ബിന്ദു മേനോന് നടത്തിയ തുറന്നുപറച്ചിലിന് പിന്നാലെ മന്ത്രി കെ ബി ഗണേഷ്കുമാര് രാജിവച്ചേക്കുമെന്ന അഭ്യൂഹങ്ങള് ശക്തമായിരുന്നു. ഇതോടെയാണ് ഗണേഷ്കുമാര് നേരിട്ട് അനുനയനീക്കം നടത്തിയത്. ഇന്ന് രാവിലെ തന്നെ ഫോണില് വിളിച്ച ഗണേഷ്കുമാര് മാപ്പ് പറഞ്ഞെന്നും പൊലീസില് പരാതി നല്കാനില്ലെന്നും ബിന്ദുമേനോന്റെ വിശദീകരണം. ഇന്നലെ താന് നടത്തിയത് വൈകാരിക പ്രതികരണമെന്നും തമ്മില് സംസാരിച്ച് എല്ലാം പരിഹരിക്കാമെന്ന് ഗണേഷ്കുമാര് ഉറപ്പ് നല്കിയെന്നും ബിന്ദു മേനോന് പറഞ്ഞു.
