മൺട്രിയോൾ : ബോംബ് ഭീഷണിയെ തുടർന്ന് മൺട്രിയോൾ-ട്രൂഡോ വിമാനത്താവളത്തിൽ നിന്നുള്ള വിമാന സർവീസുകൾ തടസ്സപ്പെട്ടതായി റിപ്പോർട്ട്. എയർപോർട്ടിലെ ഒരു റൺവേ അടച്ചതായും ചില വിമാന സർവീസുകൾ തടസ്സപ്പെട്ടതായും എയർപോർട്ട് അതോറിറ്റി അറിയിച്ചു. യാത്രക്കാർ വിമാനത്താവളത്തിലേക്ക് പോകുന്നതിനുമുമ്പ് അവരുടെ ഫ്ലൈറ്റ് ഷെഡ്യൂളുകൾ പരിശോധിക്കണം. മൺട്രിയോൾ-ട്രൂഡോ വിമാനത്താവളത്തിലേക്കുള്ള വിമാന സർവീസുകൾ നിർത്തിവെച്ചതായി യുഎസ് ഫെഡറൽ ഏവിയേഷൻ അഡ്മിനിസ്ട്രേഷൻ (എഫ്എഎ) അറിയിച്ചു. വിമാനത്താവളത്തിലെ “ബോംബ് ഭീഷണി”യാണ് ഈ തടസ്സത്തിന് കാരണമെന്ന് എഫ്എഎ പറയുന്നു.
അതേസമയം വിമാനത്താവളത്തിൽ അന്വേഷണം നടക്കുന്നുണ്ടെന്നും എന്നാൽ അതൊരു ബോംബ് ഭീഷണിയാണെന്ന് സ്ഥിരീകരിക്കാൻ കഴിഞ്ഞിട്ടില്ലെന്നും സുറെറ്റെ ഡു കെബെക്ക് പറയുന്നു.
