കാൽഗറി: കാൽഗറിയിൽ ശക്തമായ മഞ്ഞുവീഴ്ചയുണ്ടാകുമെന്ന് എൻവയൺമെന്റ് ആൻഡ് ക്ലൈമറ്റ് ചേഞ്ച് കാനഡ (ECCC) മുന്നറിയിപ്പ് നൽകി. നഗരത്തിൽ മഞ്ഞിന്റെ കടുത്ത സാന്നിധ്യം അനുഭവപ്പെടുമെന്നും അഞ്ച് മുതൽ പത്ത് സെന്റിമീറ്റർ വരെ മഞ്ഞ് വീഴാൻ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
മഞ്ഞുവീഴ്ച യാത്രാ സൗകര്യങ്ങളെ സാരമായി ബാധിക്കുമെന്നതിനാൽ ഡ്രൈവർമാർ റോഡുകളിൽ അതീവ ജാഗ്രത പാലിക്കണമെന്ന് അധികൃതർ നിർദ്ദേശിച്ചു. ക്ലെയർഷോമിനോട് ചേർന്നുള്ള ഇടങ്ങളിൽ ഉച്ചയോടെ മഞ്ഞുവീഴ്ച അവസാനിക്കുമെന്നാണ് പ്രതീക്ഷിക്കുന്നത്. മോശം കാലാവസ്ഥ കണക്കിലെടുത്ത് അനാവശ്യ യാത്രകൾ ഒഴിവാക്കാനും സുരക്ഷാ നിർദ്ദേശങ്ങൾ പാലിക്കാനും അധികൃതർ നിർദ്ദേശിച്ചു.
