ഓട്ടവ: ഒട്ടാവയില്‍ താമസിക്കുന്ന മരിയ ബിന്നി (45) എന്ന ഇന്ത്യന്‍ സ്വദേശിനിയെ കാണാതായതായി റിപ്പോര്‍ട്ട്. ഇവരെ കണ്ടെത്തുന്നതിനായി ഓട്ടവ പോലീസ് സര്‍വീസ് പൊതുജനങ്ങളുടെ അടിയന്തര സഹായം തേടിയിട്ടുണ്ട്. ഇവരുടെ സുരക്ഷയെയും ആരോഗ്യസ്ഥിതിയെയും കുറിച്ച് പോലീസിന് കടുത്ത ആശങ്കയുണ്ട്.
പോലീസ് പുറത്തുവിട്ട ഔദ്യോഗിക അറിയിപ്പ് പ്രകാരം, 2026 നവംബര്‍ 3 ചൊവ്വാഴ്ച വൈകുന്നേരം ഏകദേശം 4:45-ഓടെയാണ് ഇവരെ അവസാനമായി കണ്ടത്. ഒട്ടാവയിലെ പവല്‍ അവന്യൂ, ലിയോണ്‍ സ്ട്രീറ്റ് സൗത്ത് എന്നീ പ്രദേശങ്ങള്‍ക്ക് സമീപത്ത് നിന്നാണ് ഇവരെ കാണാതായത്.
ഇവരെ തിരിച്ചറിയാന്‍ സഹായിക്കുന്ന ശാരീരിക വിവരങ്ങള്‍ പോലീസ് പുറത്തുവിട്ടിട്ടുണ്ട്:
- വംശീയത: സൗത്ത് ഏഷ്യന്‍ (ഇന്ത്യന്‍) വനിത
- ഉയരം: 5 അടി 3 ഇഞ്ച്
- ശരീരപ്രകൃതി: ഇടത്തരം
- മുടി: തവിട്ടുനിറത്തിലുള്ള ചെറിയ ചുരുണ്ട മുടി
- അവസാനമായി ധരിച്ചിരുന്ന വസ്ത്രങ്ങള്‍: കണ്ണട വെച്ചിരുന്നു. ചുവന്ന സ്വെറ്റര്‍, കടും നിറത്തിലുള്ള പാന്റ്‌സ്, നീല സോക്‌സ്, ചെരിപ്പ് എന്നിവയാണ് അവസാനമായി കാണുമ്പോള്‍ ധരിച്ചിരുന്നത്.
ഇവരെക്കുറിച്ച് എന്തെങ്കിലും തരത്തിലുള്ള വിവരങ്ങള്‍ ലഭിക്കുന്നവരോ, ഈ പ്രദേശങ്ങളില്‍ ഇവരെ കാണാനിടയായവരോ ഉടന്‍ തന്നെ മുന്നോട്ട് വരണമെന്ന് ഓട്ടവ പോലീസ് അഭ്യര്‍ത്ഥിച്ചു.
ഇതുമായി ബന്ധപ്പെട്ട് എന്തെങ്കിലും വിവരങ്ങള്‍ കൈമാറാന്‍ താല്പര്യമുള്ളവര്‍ ഓട്ടവ പോലീസ് സര്‍വീസിന്റെ സെന്‍ട്രല്‍ ഡിവിഷന്‍ സ്റ്റാഫ് സര്‍ജന്റിനെ 613-236-1222 (Ext. 5212) എന്ന നമ്പറില്‍ നേരിട്ട് ബന്ധപ്പെടേണ്ടതാണ്.
കൂടാതെ വിവരങ്ങള്‍ രഹസ്യമായി കൈമാറാന്‍ ആഗ്രഹിക്കുന്നവര്‍ക്ക് ക്രൈം സ്റ്റോപ്പേഴ്‌സ് ടോള്‍ ഫ്രീ നമ്പറായ 1-800-222-8477 വഴിയും അധികൃതരെ വിവരമറിയിക്കാവുന്നതാണ്.
