വാൻകൂവർ ഐലൻഡ് : ബ്രിട്ടീഷ് കൊളംബിയയിലെ ടൂറിസം മന്ത്രി ക്യാബിനറ്റിൽ നിന്ന് രാജിവെക്കുകയും മെഡിക്കൽ അവധിയിൽ പ്രവേശിക്കുകയും ചെയ്തതായി പ്രീമിയർ ബുധനാഴ്ച പ്രഖ്യാപിച്ചു.
ടൂറിസം, കല, സാംസ്കാരിക, കായിക മന്ത്രി മെലാനി മാർക്ക് തന്റെ കാബിനറ്റ് പോർട്ട്ഫോളിയോ രാജിവച്ച് മെഡിക്കൽ അവധിയിൽ പ്രവേശിച്ചതായി പ്രീമിയർ ജോൺ ഹോർഗൻ പ്രസ്താവനയിൽ പറഞ്ഞു. സിറ്റിസൺ സർവീസ് മിനിസ്റ്റർ ലിസ ബിയർ ടൂറിസം, കല, സാംസ്കാരിക, കായിക മന്ത്രിയെന്ന പദവി കൂടി വഹിക്കുമെന്നും ഹോർഗൻ പറഞ്ഞു. “മാർക്ക് ക്യാബിനറ്റ് ടേബിളിൽ ഉണ്ടാകില്ല എന്നതിൽ താൻ ഖേദിക്കുന്നതായും മെലാനി മാർക്കിന്റെ തീരുമാനത്തെയും ഘടകകക്ഷികളോടുള്ള പ്രതിബദ്ധതയെയും മാനിക്കുന്നുവെന്നും” പ്രീമിയർ പറഞ്ഞു.
2016 ലെ വാൻകൂവർ-മൗണ്ട് പ്ലസന്റ് റൈഡിംഗിൽ നിന്നും തിരഞ്ഞെടുക്കപ്പെട്ടതോടെ ബ്രിട്ടീഷ് കൊളംബിയയിൽ എംഎൽഎ ആയ ആദ്യ സ്വദേശി വനിത എന്ന റെക്കോർഡ് കൂടി നേടി മെലാനി മാർക്ക്.
ടൂറിസം മന്ത്രിയായി പ്രവർത്തിക്കുന്നതിന് മുമ്പ്, മെലാനി മാർക്ക് അഡ്വാൻസ് എഡ്യൂക്കേഷൻ, സ്കിൽ ആൻഡ് ട്രെയിനിങ് മന്ത്രിയായിരുന്നു.
ആ സമയത്ത്, മുതിർന്നവർക്കുള്ള അടിസ്ഥാന വിദ്യാഭ്യാസം ആക്സസ് ചെയ്യുന്ന ആളുകൾക്ക് എല്ലാ ഫീസും നീക്കം ചെയ്യുന്ന ഒരു നയം നടപ്പിലാക്കിയിരുന്നു. 2018-ൽ വിക്ടോറിയ സർവകലാശാലയിൽ ലോകത്തിലെ ആദ്യത്തെ തദ്ദേശീയ നിയമ പരിപാടി ആരംഭിക്കുന്നതിനും അവർ മുൻകൈയെടുത്തു.
