സസ്കച്ചുവനിൽ രണ്ട് സുസ്ഥിര ഊർജ്ജ സംരംഭങ്ങൾ ആരംഭിച്ചു. പുതിയ സുസ്ഥിര ഊർജ്ജ സംരംഭങ്ങൾ സമ്പദ്‌വ്യവസ്ഥയ്ക്കും പ്രവിശ്യയിലെ മീഥേൻ കുറയ്ക്കലിനും വളരെയധികം സഹായിക്കുമെന്ന് സസ്‌കാച്ചെവൻ സർക്കാർ പറയുന്നു.
ആദ്യത്തെ സംരംഭം സസ്കച്ചുവൻ എമിഷൻസ് ഇൻവെന്ററിയാണ്. ഇവിടെ മീഥേൻ മോഡലിംഗും പുറന്തള്ളപ്പെടുന്ന മീഥേന്റെ കണക്കുകളെടുക്കുവാനുമുള്ള സംവിധാനങ്ങളാണ് ഉള്ളത്.
പുറന്തള്ളുന്ന മീഥേന്റെ വിവരങ്ങൾ വച്ച് പോയിന്റ്-ഇൻ-ടൈം ഡാറ്റാബേസ് സൃഷ്ടിക്കുന്നതിന് സാധിക്കുമെന്ന് സസ്കച്ചുവൻ ഊർജ, വിഭവശേഷി മന്ത്രാലയം അറിയിച്ചു. എമിഷൻ കുറയ്ക്കുന്നതിനുള്ള സാമ്പത്തിക ഓപ്ഷനുകൾ നിർണ്ണയിക്കാനും വിശദമായ റിപ്പോർട്ടിംഗ് നൽകാനും സീറോ-ഫ്ലേറിങ്ങിനുള്ള സാഹചര്യങ്ങൾ നൽകാനും ഇത് വലിയ ഉപകാരപ്രദമായിരിയ്ക്കും.
രണ്ടാമത്തെ സംരംഭം, ഗ്യാസ് കൊമേഴ്‌സ്യലൈസേഷൻ മാപ്പിംഗ് (ജിസിഎം) സേവനമാണ്. ഇത് മീഥേൻ കേന്ദ്രീകൃത പ്രദേശങ്ങളെ ഉയർത്തിക്കാട്ടുന്നു, കൂടാതെ ക്രൗൺ യൂട്ടിലിറ്റികൾ ഉൾപ്പെടെയുള്ള സ്കെയിൽഡ് മീഥേൻ ക്യാപ്‌ചർ, വാണിജ്യവൽക്കരണ പദ്ധതികൾ എന്നിവ മികച്ച രീതിയിൽ ആസൂത്രണം ചെയ്യാനും സഹകരിക്കാനും ഇത് ഊർജ മേഖലയെ സഹായിക്കും. മീഥേൻ വാതകത്തിന്റെ വ്യാപനവും ജ്വലനവും നടക്കുന്ന പ്രദേശങ്ങളുടെ ഭൂമിശാസ്ത്രപരമായ വിവരങ്ങൾ നൽകിക്കൊണ്ട് മീഥേൻ കർമ്മ പദ്ധതി പ്രകാരം പ്രവിശ്യയുടെ പ്രതിബദ്ധതകൾ ജിസിഎം സേവന സംരംഭം നിറവേറ്റുന്നുവെന്ന് ഉദ്യോഗസ്ഥർ പറഞ്ഞു.
ലോകത്തിലെ ഏറ്റവും സുസ്ഥിരമായ ഊർജ ഉൽപാദകരിൽ ഒന്നായി പ്രവിശ്യ തുടരുമെന്ന് പുതിയ സംരംഭങ്ങൾ ഉറപ്പാക്കുന്നുവെന്നും മന്ത്രാലയം പറഞ്ഞു.