കൊച്ചി : നടിയെ ആക്രമിച്ച കേസില് ദിലീപിനെ വീണ്ടും ചോദ്യം ചെയ്യും. തുടരന്വേഷണം നടത്തുന്ന പ്രത്യേക സംഘമാണ് ദിലീപിനെ ചോദ്യം ചെയ്യുക. ഈ മാസം 24ന് ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ടു ദിലീപിന് നോട്ടീസ് നല്കി.
സംവിധായകന് ബാലചന്ദ്രകുമാറിന്റെ വെളിപ്പെടുത്തലുകളുടെ പശ്ചാത്തലത്തിലാണ് കേസില് തുടരന്വേഷണം ആരംഭിച്ചത്. നടിയെ ആക്രമിച്ച കേസിലെ അന്വേഷണം നിലവില് അന്തിമ ഘട്ടത്തിലാണ്. ഏപ്രില് 15 വരെയാണ് തുടരന്വേഷണത്തിന് ഹൈക്കോടതി സമയം അനുവദിച്ചിരുന്നത്. കേസിലെ അന്വേഷണ പുരോഗതി റിപ്പോര്ട്ട് ക്രൈംബ്രാഞ്ച് വിചാരണക്കോടതിയില് സമര്പ്പിച്ചിരുന്നു.