13,560 കിലോമീറ്റര് സഞ്ചരിച്ച് റെക്കോര്ഡ് ഇട്ട് ബാര്-ടെയില്ഡ് ഗോഡ് വിറ്റ്. ഇത്രയും ദൂരം നിര്ത്താതെയാണ് ഡോഗ് വിറ്റ് പറന്നത്. ഗോഡ് വിറ്റുകള് ടാസ്മാനിയയിലേക്ക് വേനല്കാലത്ത് സാധാരണ പറക്കാറുണ്ട്. മൈക്രോ ചിപ്പ് ഘടിപ്പിച്ചാണ് അഞ്ച് മാസം പ്രായമുള്ള ഗോഡ് വിറ്റ് പറന്നത്.11 ദിവസവും 1 മണിക്കൂറും കൊണ്ടാണ് 13,560 കിലോമീറ്റര് പറന്നത്.
2021-ല് പ്രായപൂര്ത്തിയായ ആണ് ഗോഡ് വിറ്റ് സ്ഥാപിച്ച 13,050 കിലോമീറ്റര് എന്ന മുന് ദീര്ഘദൂര റെക്കോര്ഡ് ആണ് ഈ 5 മാസം പ്രായമുള്ള ഗോഡ് വിറ്റ് കവച്ചുവെച്ചത്. വര്ഷങ്ങള്ക്കുമുമ്പ്, മാര്ക്ക് ബാര്ട്ടറും മറ്റും വേഡര് ബയോളജിസ്റ്റുകളും ഈ പക്ഷികളുടെ പറക്കാനുള്ള സാധ്യതയുള്ള ദൂരപരിധി 11-13,000 കി.മീ ആയിരിക്കുമെന്ന് കണക്കാക്കിയിരുന്നു.
നേരത്തെ റെക്കോര്ഡ് ഇട്ട ബാര്-ടെയില്ഡ് ഗോഡ്വിറ്റ് തെക്ക്-പടിഞ്ഞാറന് അലാസ്കയില് നിന്ന് സെപ്റ്റംബര് 16-ന് പുറപ്പെട്ടു, 11 ദിവസത്തിന് ശേഷം ഓക്ക്ലന്ഡിനടുത്തുള്ള ഒരു ഉള്ക്കടലില് 55 മൈല് വേഗതയില് പറന്നു. കാലുകളില് ഘടിപ്പിച്ചിരിക്കുന്ന നീല, ചുവപ്പ്, വെള്ള എന്നീ നിറങ്ങളിലുള്ള വളയങ്ങളെ പരാമര്ശിച്ച് 4 ബിബിആര്ഡബ്യൂ എന്നറിയപ്പെടുന്നു.
ആണ്പക്ഷിയുടെ താഴത്തെ മുതുകില് 5ഗ്രാം സാറ്റലൈറ്റ് ടാഗ് ഘടിപ്പിച്ചിരുന്നു. 190 ഗ്രാമിനും 400 ഗ്രാമിനും ഇടയില് സാധാരണ ഭാരം ഉള്ള ആണ് ബാര്-ടെയില്ഡ് ഗോഡ്വിറ്റിന്, ഒരു നീണ്ട പറക്കലിന് മുമ്പ് അതിന്റെ വലുപ്പം ഇരട്ടിയാക്കാന് കഴിയും, എന്നാല് ഭാരം കുറയ്ക്കാന് അതിന്റെ ആന്തരിക അവയവങ്ങള് ചുരുക്കാന് കഴിയും.
സൈബീരിയ, അലാസ്ക, സ്കാന്ഡിനേവിയന് തുന്ദ്രകളാണ് ഗോഡ് വിറ്റുകളുടെ സ്വദേശം. ഉത്തരധ്രുവത്തിലെ അതിശൈത്യകാലത്ത് ഓസ്ട്രേലിയ, ദക്ഷിണേഷ്യ, യൂറോപ്പ് എന്നിവടങ്ങളിലേക്ക് ഇവ ദേശാടനം നടത്തുന്നു. പ്രജനന കാലം അടുക്കുന്നതോടെ വീണ്ടും തിരികെ എത്തും. യാത്രക്ക് മുമ്പേ കുറച്ച് ഭക്ഷണം കഴിച്ച് തടിവയ്പ്പിക്കും. നിര്ത്താതെയുളള പറക്കലിനുള്ള ഊര്ജ്ജം ലഭിക്കുന്നത് ഇങ്ങനെയാണ്. ഒടുവില് സ്ഥലത്ത് എത്തുമ്പോഴേക്കും ശരീരഭാരം മൂന്നിലൊന്നായി കുറഞ്ഞിട്ടുണ്ടാകും.
വരവാലന് ഗോഡ്-വിറ്റിന് 3 ഉപജാതികളാണ് ഉള്ളത്. ലാമോസ ലപ്പോനിക്ക, ലാമോസ ലാപ്പോനിക്ക ബനേരി, ലാമോസ ലപ്പോനിക്ക മെന്സ്ബെയ്രി ലാമോസ ലപ്പോനിക്ക സ്കാന്ഡിനേവിയന് രാജ്യങ്ങള് മുതല് വടക്കന് റഷ്യയിലെ തൈമൂര് ഉപദ്വീപ് വരെയാണ് പ്രജനനം. മഞ്ഞുകാലത്ത് പശ്ചിമയൂറോപ്പിലെ കടല് തീരങ്ങളിലേക്കും അറേബ്യന് ഗള്ഫിലേക്കും, ആഫ്രിക്കയിലേക്കും പറന്നുപോകും.
ലാമോസ ലാപ്പോനിക്ക ബനേരി അലാസ്കയില് പ്രജനനം നടത്തുന്ന ഇവ ഓസ്ട്രേലിയയിലേക്കും ന്യൂസിലന്റിലേക്കും ദേശാടനം നടത്തും. ലാമോസ ലപ്പോനിക്ക മെന്സ്ബെയ്രി സൈബീരിയയിലും തൈമൂറിലും പ്രജനനം നടത്തുന്ന ഇവ ദേശാടനം നടത്തുക ഓസ്ട്രേലിയയിലേക്കും ദക്ഷിണ-പൂര്വ്വ ഏഷ്യയിലേക്കും എത്തും.