ന്യൂയോർക്ക് : ന്യൂയോർക്കിലെ ഓറഞ്ച് കൗണ്ടിയിൽ സ്കൂൾ ബസ് മറിഞ്ഞ് ഒരാൾ മരിക്കുകയും നിരവധി പേർക്ക് പരിക്കേൽക്കുകയും ചെയ്തതായി ന്യൂയോർക്ക് സ്റ്റേറ്റ് പോലീസ് അറിയിച്ചു. ന്യൂയോർക്ക് സിറ്റിയിൽ നിന്ന് 75 മൈൽ അകലെ അന്തർസംസ്ഥാന പാത 84-ലാണ് ബസ് അപകടത്തിൽപ്പെട്ടത്.
ഏകദേശം 45 പേർക്ക് പരിക്കേറ്റതായി പോലീസ് അറിയിച്ചു. നിരവധി പേർക്ക് ഗുരുതരമായി പരിക്കേറ്റിട്ടുണ്ടെന്നും പോലീസ് പറയുന്നു. ലോംഗ് ഐലൻഡിലെ ഫാർമിംഗ്ഡെയ്ൽ ഹൈസ്കൂളിൽ നിന്നുള്ള വിദ്യാർത്ഥികൾ സഞ്ചരിച്ചിരുന്ന ബസാണ് മറിഞ്ഞത്. പെൻസിൽവാനിയയിലെ ഗ്രീലിയിലേക്ക് ബാൻഡ് ക്യാമ്പിനായി പോവുകയായിരുന്നു വിദ്യാർത്ഥികൾ.
