ഓട്ടവ : നാല് കനേഡിയൻ പ്രവിശ്യകൾ ഈ ആഴ്ച പ്രവിശ്യാ നാമനിർദ്ദേശത്തിന് അപേക്ഷിക്കാൻ ഉദ്യോഗാർത്ഥികൾക്ക് ഇൻവിറ്റേഷൻ നൽകി. ഒന്റാരിയോ, ബ്രിട്ടിഷ് കൊളംബിയ, ആൽബർട്ട, PEI പ്രവിശ്യകളാണ് ജനുവരി 13-19 വരെ നടന്ന നറുക്കെടുപ്പുകളിലൂടെ ഉദ്യോഗാർത്ഥികൾക്ക് ഇൻവിറ്റേഷൻ നൽകിയത്.
വിദഗ്ധ തൊഴിലാളികൾക്ക് കാനഡയിലേക്ക് കുടിയേറുന്നതിനുള്ള ഒരു സുപ്രധാന മാർഗ്ഗമാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ). കാനഡയിലെ ഓരോ പ്രവിശ്യയ്ക്കും അവരുവരുടേതായ പ്രൊവിൻഷ്യൽ നോമിനേഷൻ പ്രോഗ്രാമുകൾ (പിഎൻപികൾ) ഉണ്ട്. ഇവയിലൂടെ അർഹരായ സ്കിൽഡ് വർക്കേഴ്സിനെയും ബിസിനസ്സുകാരെയും കാനഡയിൽ സ്ഥിരതാമസത്തിനായി ഓരോ പ്രവിശ്യകളും ശുപാർശ ചെയ്യുന്നു. ഓരോ പ്രവിശ്യയുടെയും ജനസംഖ്യ, തൊഴിൽമേഖലയിലെ ആവിശ്യങ്ങൾ എന്നിവ മുൻനിർത്തിയാണ് പ്രൊവിൻഷ്യൽ നോമിനേഷൻ പ്രോഗ്രാമുകൾ പ്രവർത്തിക്കുന്നത്.
പ്രൊവിൻഷ്യൽ നോമിനേഷൻ ലഭിക്കുന്ന എക്സ്പ്രസ്സ് എൻട്രി അപേക്ഷകർക്ക് 600 കോംപ്രിഹെൻസീവ് റാങ്കിംഗ് സിസ്റ്റം സ്കോർ (CRS) പോയിന്റുകൾ അധികമായി ലഭിക്കും. തുടർന്ന് വരുന്ന എക്സ്പ്രസ്സ് എൻട്രി നറുക്കെടുപ്പിൽ ഈ ഉദ്യോഗാർത്ഥികൾക്ക് കാനഡയിൽ സ്ഥിരതാമസത്തിന് അപേക്ഷിക്കുന്നതിനുള്ള ഇൻവിറ്റേഷൻ ലഭിക്കുന്നതിന് സഹായകമാകും. അതിനാൽ എക്സ്പ്രസ്സ് എൻട്രി സ്കോർ കുറവുള്ളവർക്കും എളുപ്പത്തിൽ കാനഡയിൽ സ്ഥിരതാമസമാക്കുന്നതിനുള്ള ഒരു മാർഗ്ഗമാണ് പ്രൊവിൻഷ്യൽ നോമിനി പ്രോഗ്രം. എക്സ്പ്രസ്സ് എൻട്രി പ്രൊഫൈൽ ഇല്ലാത്തവർക്കും പ്രൊവിൻഷ്യൽ നോമിനി പ്രോഗ്രാം വഴി കാനഡയിൽ സ്ഥിരതാമസത്തിന് അപേക്ഷിക്കാം.
പ്രവിശ്യാ ഇമിഗ്രേഷൻ ഫലങ്ങൾ ജനുവരി 13-19
ഒന്റാരിയോ
ജനുവരി 18-ന്, എക്സ്പ്രസ് എൻട്രി ഫ്രഞ്ച് സ്പീക്കിംഗ് സ്കിൽഡ് വർക്കേഴ്സ് സ്ട്രീമിൽ നിന്ന് 984 ഉദ്യോഗാർത്ഥികൾക്ക് OINP ഇൻവിറ്റേഷൻ നൽകി. എക്സ്പ്രസ് എൻട്രി അപേക്ഷാ പൂളിൽ ഉണ്ടായിരുന്ന, 317-469-ന് ഇടയിലുള്ള ഏറ്റവും കുറഞ്ഞ സമഗ്ര റാങ്കിംഗ് സിസ്റ്റം സ്കോർ ഉള്ള ഉദ്യോഗാർത്ഥികൾക്കാണ് ഇൻവിറ്റേഷൻ ലഭിച്ചത്.
ബ്രിട്ടിഷ് കൊളംബിയ
ജനുവരി 16-ന് ബ്രിട്ടിഷ് കൊളംബിയ ബിസി പിഎൻപിയുടെ സ്കിൽഡ് വർക്കർ, ഇന്റർനാഷണൽ ഗ്രാജുവേറ്റ് സ്ട്രീമുകളിൽ നിന്ന് 193-ലധികം ഉദ്യോഗാർത്ഥികൾക്ക് ഇൻവിറ്റേഷൻ നൽകി. അപേക്ഷകർക്ക് അഞ്ച് പ്രത്യേക നറുക്കെടുപ്പുകളിലൂടെയാണ് ഇൻവിറ്റേഷൻ നൽകിയത്. ഏറ്റവും കുറഞ്ഞ സമഗ്ര റാങ്കിംഗ് സിസ്റ്റം സ്കോർ 103 ഉള്ള ടെക് തൊഴിലുകളിലെ 91 ഉദ്യോഗാർത്ഥികൾക്ക് ഇൻവിറ്റേഷൻ ലഭിച്ചു. കൂടാതെ 75 എന്ന മിനിമം സ്കോർ ഉള്ള 20 ഉദ്യോഗാർത്ഥികളെയും പ്രവിശ്യ നിർമ്മാണ ജോലികളിലേക്ക് ഇൻവിറ്റേഷൻ നൽകിയിട്ടുണ്ട്.
കുറഞ്ഞത് 60 സ്കോർ ഉള്ള മൂന്ന് തൊഴിൽ അധിഷ്‌ഠിത നറുക്കെടുപ്പുകളിലൂടെ താഴെ കൊടുത്തിരിക്കുന്ന ഉദ്യോഗാർത്ഥികൾക്കും പ്രവിശ്യ ഇൻവിറ്റേഷൻ നൽകി.
- ശിശുസംരക്ഷണം: 53 ഉദ്യോഗാർത്ഥികൾ
- ഹെൽത്ത് കെയർ: 29 ഉദ്യോഗാർത്ഥികൾ
- വെറ്ററിനറി കെയർ : അഞ്ചിൽ താഴെ
ആൽബർട്ട
ജനുവരിയിലുടനീളം നടന്ന മൂന്ന് ആൽബർട്ട അഡ്വാന്റേജ് ഇമിഗ്രേഷൻ പ്രോഗ്രാമിന്റെ (എഎഐപി) നറുക്കെടുപ്പുകളുടെ ഫലങ്ങൾ ആൽബർട്ട അടുത്തിടെ പുറത്തുവിട്ടു.
ആൽബർട്ട ജോബ് ഓഫർ സ്ട്രീമിനൊപ്പം സമർപ്പിത ആരോഗ്യ സംരക്ഷണ പാതയിലെ ഉദ്യോഗാർത്ഥികൾക്കായി പ്രവിശ്യ രണ്ട് നറുക്കെടുപ്പുകൾ നടത്തി. ആദ്യത്തേത് ജനുവരി 2 ന് ആയിരുന്നു, ഈ നറുക്കെടുപ്പിൽ ഏറ്റവും കുറഞ്ഞ CRS സ്കോർ 309 ഉള്ള 42 ഉദ്യോഗാർത്ഥികൾക്ക് ഇൻവിറ്റേഷൻ ലഭിച്ചു. ജനുവരി 16 ന് നടന്ന രണ്ടാമത്തെ നറുക്കെടുപ്പിൽ കുറഞ്ഞത് 312 സ്കോർ ഉള്ള 44 ഉദ്യോഗാർത്ഥികൾക്ക് കൂടി പ്രവിശ്യ ഇൻവിറ്റേഷൻ നൽകി.
പ്രിൻസ് എഡ്വേഡ് ഐലൻഡ്
പ്രിൻസ് എഡ്വേഡ് ഐലൻഡ് ജനുവരി 18-ന് PEI PNP-യിൽ 134 എക്സ്പ്രസ് എൻട്രി, സ്കിൽഡ് വർക്കർ, ക്രിട്ടിക്കൽ വർക്കർ സ്‌ട്രീം ഉദ്യോഗാർത്ഥികൾക്ക് ഇൻവിറ്റേഷൻ നൽകി. അപേക്ഷകർക്ക് കുറഞ്ഞത് പോയിന്റ് സ്കോർ 65 ആവശ്യമായിരുന്നു. 2024-ലെ PEI-യുടെ ആദ്യ എക്സ്പ്രസ് എൻട്രി നറുക്കെടുപ്പായിരുന്നു ഇത്. 2023 ഫെബ്രുവരിക്കും ഡിസംബറിനുമിടയിൽ പ്രവിശ്യ 2,199 ഉദ്യോഗാർത്ഥികൾക്ക് ഇൻവിറ്റേഷൻ നൽകിയിരുന്നു.
