പാക്കിസ്ഥാൻ : പാക്കിസ്ഥാനിലുണ്ടായ ഇരട്ട ബോംബ് സ്ഫോടനത്തില് ഇരുപതിലേറെ പേർ കൊല്ലപ്പെട്ടു. നിരവധി പേർക്ക് പരുക്കേറ്റു. ബലൂചിസ്ഥാന്‍ മേഖലയിലാണ് സ്ഫോടനമുണ്ടായത്. നാളെ തിരഞ്ഞെടുപ്പ് നടക്കാനിരിക്കെയാണ് ഇത്തരത്തിലുള്ള ഒരു സ്ഫോടനം ഉണ്ടായിരിക്കുന്നത്.
ഒരു സ്വതന്ത്രസ്ഥാനാര്‍ത്ഥിയുടെ ഇലക്ഷന്‍ കമ്മിറ്റി ഓഫീസിന് നേരെയാണ് ബോംബാക്രമണം ഉണ്ടായത്. സ്ഫോടനത്തില് നിരവധി പേര്‍ക്ക് പരുക്കേറ്റതായി അധികൃതര്‍ വ്യക്തമാക്കി.
അഫ്ഗാന്‍ അതിര്‍ത്തിയോടു ചേര്‍ന്ന പട്ടണമായ ഖ്വില്ല സൈഫുള്ളയിലും ബോംബ് ആക്രമണം ഉണ്ടായതായി റിപ്പോര്‍ട്ടുണ്ട്. ജമാഅത് ഉലമ ഇസ്ലാം പാര്‍ട്ടി ഓഫീസിന് സമീപത്താണ് സ്ഫോടനമുണ്ടായതെന്നാണ് റിപ്പോര്‍ട്ട്.
