കെയ്പ് ബ്രെറ്റൺ : പ്രായപൂർത്തിയായവർ ഓൺലൈനിൽ അശ്ലീലചിത്രങ്ങൾ ആക്സസ് ചെയ്യുന്നതിന് അവരുടെ സ്വകാര്യ വിവരങ്ങൾ പങ്കുവെക്കേണ്ടതില്ലെന്ന് പ്രധാനമന്ത്രി ജസ്റ്റിൻ ട്രൂഡോ പറഞ്ഞു. കെയ്പ് ബ്രെറ്റണിൽ ഭവന പ്രഖ്യാപന പരിപാടിയിൽ സംസാരിക്കുകയായിരുന്നു അദ്ദേഹം.
കൺസർവേറ്റീവ് നേതാവ് പിയേർ പൊലിയേവ് അശ്ലീല സൈറ്റുകൾക്കായുള്ള ഏതെങ്കിലും തരത്തിലുള്ള പ്രായം സ്ഥിരീകരണ സംവിധാനം അംഗീകരിക്കുന്നത് തൻ്റെ പാർട്ടി എതിർക്കുമെന്ന് ട്രൂഡോ വ്യക്തമാക്കി. പ്രായപൂർത്തിയാകാത്തവർ ഉള്ളടക്കം ആക്സസ് ചെയ്യുന്നത് തടയാൻ പോൺ വെബ്‌സൈറ്റുകളിൽ ഉപയോക്താക്കളുടെ പ്രായം പരിശോധിക്കണമെന്ന നിയമത്തിൽ കൺസർവേറ്റീവ് സർക്കാർ മാറ്റം വരുത്തുമെന്ന് പ്രതിപക്ഷ നേതാവ് പിയേർ പൊളിയേവ് കഴിഞ്ഞ ദിവസം വ്യക്തമാക്കിയിരുന്നു.
മുതിർന്നവർ അവരുടെ ഐഡിയും വ്യക്തിഗത വിവരങ്ങളും വെബ്‌സൈറ്റുകൾക്ക് നൽകണം, അല്ലെങ്കിൽ മുതിർന്നവർക്ക് അവർക്ക് ആവശ്യമുള്ളിടത്ത് വെബ് ബ്രൗസ് ചെയ്യാൻ കഴിയുന്ന ഒരു ഡിജിറ്റൽ ഐഡി ഉണ്ടാക്കണം എന്ന് പിയേർ പൊലിയേവ് പറഞ്ഞിരുന്നു.
വിദ്വേഷ പ്രസംഗം, തീവ്രവാദ ഉള്ളടക്കം, ഇൻറർനെറ്റിലെ ചില അക്രമാസക്തമായ കാര്യങ്ങൾ എന്നിവയ്‌ക്കെതിരെ പോരാടാൻ ഉദ്ദേശിച്ചുള്ള ഫെഡറൽ ഗവൺമെൻ്റിൻ്റെ വരാനിരിക്കുന്ന ഓൺലൈൻ ദ്രോഹ ബില്ലിനെ എതിർക്കുന്നതിലൂടെ പൊലിയേവ് രാഷ്ട്രീയം കളിക്കുകയാണെന്ന് ട്രൂഡോ പറഞ്ഞു.
