നോവസ്കോഷ ഹാലിഫാക്സിൽ കൗമാരക്കാരനെ കൊലപ്പെടുത്തിയ കേസിൽ രണ്ടു പേരെ പൊലീസ് അറസ്റ്റ് ചെയ്തു. പതിനാറുവയസുള്ള അഹമ്മദ് മഹർ അൽ മാരാച്ചിന്റെ കൊലപാതകത്തിലാണ് പതിനാലു വയസുള്ള രണ്ടുപേർ അറസ്റ്റിലായത്.
സാക്ക്വിൽ മേഖലയ്ക്ക് സമീപത്തു നിന്ന് ബുധനാഴ്ചയാണ് പ്രതികളെ പിടികൂടിയതെന്ന് ഹാലിഫാക്സ് റീജൻ പൊലീസ് പറഞ്ഞു. ഇവരെ വെള്ളിയാഴ്ച ഹാലിഫാക്സ് യൂത്ത് കോടതിയിൽ ഹാജരാക്കും.
ഹാലിഫാക്സ് ഷോപ്പിംഗ് സെൻ്ററിന് സമീപമുള്ള പാർക്കിംഗ് ഗാരേജിൽ അഹമ്മദിനെ ഗുരുതര പരുക്കുകളോടെ കണ്ടെത്തുകയും ആശുപത്രിയിൽ എത്തിച്ചെങ്കിലും പിന്നീട് മരിക്കുകയുമായിരുന്നു.