വാഷിംഗ്ടൺ ഡി സി : ബ്രിട്ടനിൽ നിന്നുള്ള വാഹനങ്ങൾ, സ്റ്റീൽ, അലുമിനിയം എന്നിവയുടെ തീരുവ കുറച്ച് യുഎസ് പ്രസിഡൻ്റ് ഡോണൾഡ് ട്രംപ്. ബ്രിട്ടനുമായുള്ള ആസൂത്രിത വ്യാപാര കരാറിന്‍റെ ഭാഗമായാണ് പുതിയ തീരുമാനം. കരാർ യുകെയിലേക്ക് കൂടുതൽ ബീഫ്, എത്തനോൾ കയറ്റുമതിയിലേക്ക് നയിക്കുമെന്നും ഇത് കസ്റ്റംസ് വഴി യുഎസ് ഉൽപ്പന്നങ്ങളുടെ സംസ്കരണം സുഗമമാക്കുമെന്നും ട്രംപ് പറയുന്നു. എന്നാൽ,
10% താരിഫ് നിലനിർത്തിക്കൊണ്ട് കരാറിലെത്തുന്നത് യുഎസുമായി സാധ്യമായ വ്യാപാര കരാറുകൾ പിന്തുടരുന്ന മറ്റ് രാജ്യങ്ങൾക്ക് ഒരു മാതൃകയല്ലെന്ന് ട്രംപ് മുന്നറിയിപ്പ് നൽകി.
അതേസമയം അടിസ്ഥാന 10% താരിഫ് നിലനിൽക്കുമെന്ന് യുഎസ് വാണിജ്യ സെക്രട്ടറി ഹോവാർഡ് ലുട്‌നിക് അറിയിച്ചു. വാഹന താരിഫ് 27.5 ശതമാനത്തിൽ നിന്ന് 10 ശതമാനമായും സ്റ്റീൽ, അലുമിനിയം എന്നിവയുടെ ഇറക്കുമതി നികുതി 25 ശതമാനത്തിൽ നിന്ന് പൂജ്യമായി കുറയുമെന്നും യുകെ ഉദ്യോഗസ്ഥർ പറയുന്നു.
