വത്തിക്കാന് സിറ്റി: ആണവ ഭീഷണികളില് നിന്ന് മുക്തമായ സുരക്ഷിത ലോകം കെട്ടിപ്പടുക്കണമെന്ന് ലിയോ പതിനാലാമന് മാര്പാപ്പ. നീതി, സാഹോദര്യം, പൊതുനന്മ എന്നിവയില് അധിഷ്ഠിതമായ ശാശ്വത സമാധാനം കെട്ടിപ്പടുക്കുന്നതിനായി പരസ്പര ബഹുമാനത്തോടെയുള്ള ചര്ച്ചകള് നടക്കണം. ആരും ഒരിക്കലും മറ്റൊരാളുടെ നിലനില്പ്പിനെ ഭീഷണിപ്പെടുത്തരുത്.
സമാധാനത്തിന്റെ ലക്ഷ്യത്തെ പിന്തുണയ്ക്കുകയും അനുരഞ്ജനത്തിന്റെ പാതകള് തുറക്കുകയും വേണം. എല്ലാവര്ക്കും സുരക്ഷയും അന്തസ്സും ഉറപ്പാക്കുന്ന പരിഹാരങ്ങള്ക്കായി ശ്രമിക്കേണ്ടത് എല്ലാ രാജ്യങ്ങളുടെയും കടമയാണെന്നും പോപ്പ് പ്രതികരിച്ചു. ഇസ്രയേല് – ഇറാന് സംഘര്ഷങ്ങളുടെ പശ്ചാത്തലത്തിലാണ് മാര്പാപ്പയുടെ പ്രതികരണം
അതേസമയം, ഇറാന് – ഇസ്രയേല് സംഘര്ഷം രൂക്ഷമായി തുടരുകയാണ്. തുടര്ച്ചയായ രണ്ടാം രാത്രിയും ഇസ്രയേലി നഗരങ്ങള്ക്കുമേല് ഇറാന് മിസൈലാക്രമണം നടത്തി. അതേസമയം ഇറാന്റെ എണ്ണപ്പാടങ്ങളില് അടക്കം ഇസ്രയേല് കനത്ത ആക്രമണം നടത്തി. ഇറാന് തലസ്ഥാനമായ ടെഹ്റാനില് വ്യാപക നാശനഷ്ടമുണ്ടായി. ഇറാനിലെ ബന്ദര് അബ്ബാസിലും ഇസ്രയേല് ആക്രമണം നടത്തി. ആക്രമണം തുടരുമെന്നാണ് ഇറാനും ഇസ്രയേലും വ്യക്തമാക്കിയിരിക്കുന്നത്.
