മൺട്രിയോൾ : വാരാന്ത്യത്തിൽ പെയ്ത കനത്ത മഴയെ തുടർന്ന് മൺട്രിയോളിലെ ലാച്ചൈൻ കനാലിൽ കനോയിങ്, കയാക്കിങ്, മറ്റു പ്രവർത്തനങ്ങൾ നിരോധിച്ചു. സുരക്ഷാ കാരണങ്ങളാൽ, കനാലിൽ ബോട്ടിങും നീന്തലും സുരക്ഷിതമല്ലെന്ന് മൺട്രിയോൾ സിറ്റി അറിയിച്ചു. ജൂലൈ 16 ബുധനാഴ്ച വൈകുന്നേരം 5:17 വരെ നിരോധനം തുടരും.
കൊടുങ്കാറ്റിനെത്തുടർന്ന് ഡ്രെയിൻ പൈപ്പിൽ നിന്ന് വെള്ളം പുറന്തള്ളേണ്ടി വന്നതിനാൽ, കനാൽ നോട്ടിക്കൽ പ്രവർത്തനങ്ങൾക്കായി അടച്ചിടാൻ കനാലിന്റെ മേൽനോട്ടം വഹിക്കുന്ന പാർക്ക്സ് കാനഡയ്ക്ക് നിർദ്ദേശം നൽകിയതായി മൺട്രിയോൾ സിറ്റി പറയുന്നു. കനോയിങ്, കയാക്കിങ്, പാഡിൽ ബോർഡിങ്, മീൻപിടുത്തം തുടങ്ങിയ നോട്ടിക്കൽ പ്രവർത്തനങ്ങൾ താൽക്കാലികമായി നിർത്തിവയ്ക്കുന്നത് പ്രാബല്യത്തിലുണ്ട്.
