വൻകൂവർ : ബ്രിട്ടിഷ് കൊളംബിയയിലെ ലിറ്റണിന് സമീപം തിങ്കളാഴ്ച കാട്ടുതീ റിപ്പോർട്ട് ചെയ്തു. ബിസി വൈൽഡ് ഫയർ സർവീസിന്റെ കണക്കനുസരിച്ച്, സിസ്ക ക്രീക്കിൽ പടർന്ന തീ വൈകുന്നേരം 6 മണി വരെ നിയന്ത്രണാതീതമായിരുന്നു. എന്നാൽ അധികൃതരുടെ കൃത്യമായ ഇടപെടലിലൂടെ നിലവിൽ തീ പടരുന്നത് നിയന്ത്രിക്കാൻ സാധിച്ചിട്ടുണ്ട്.
നിലവിൽ 3.6 ഹെക്ടർ പ്രദേശത്താണ് തീ പടർന്നിരിക്കുന്നത്. ഹൈവേ 1-ന് കിഴക്ക്, ലിറ്റൺ നഗരത്തിന് 12 കിലോമീറ്റർ തെക്ക് മാറിയാണ് തീ പടർന്നിരിക്കുന്നത് . കാംലൂപ്സ് ഫയർ സെന്റർ, ലിറ്റൺ ഫയർ ആൻഡ് റെസ്ക്യൂ, ആർസിഎംപി എന്നിവർ സംയുക്തമായാണ് തീയണയ്ക്കാനുള്ള നടപടികൾ സ്വീകരിക്കുന്നത്. തീ പടരുന്നതിന്റെ വേഗത കുറവാണെന്നും നിലവിൽ ആളുകളെ ഒഴിപ്പിക്കേണ്ട സാഹചര്യമില്ലെന്നും അധികൃതർ വ്യക്തമാക്കി.
