വിനിപെഗ്: കാനഡയിലെ മനിറ്റോബയിലേക്ക് കുടിയേറാൻ ആഗ്രഹിക്കുന്നവർക്ക് പ്രതീക്ഷയായി പുതിയ അവസരങ്ങൾ. മനിറ്റോബ പ്രൊവിൻഷ്യൽ നോമിനി പ്രോഗ്രാം (MPNP) ഏറ്റവും പുതിയ നറുക്കെടുപ്പ് ഫലങ്ങൾ പ്രഖ്യാപിച്ചു. 2026 ഏപ്രിൽ 23-ന് നടന്ന ഈ നറുക്കെടുപ്പിൽ, സ്കിൽഡ് വർക്കർ ഇൻ മനിറ്റോബ വിഭാഗത്തിലാണ് പ്രാധാന്യം നൽകിയത്. ‘ഒക്യുപ്പേഷൻ-സ്പെസിഫിക് സെലക്ഷൻ’ എന്ന പ്രത്യേക രീതിയിലാണ് ഇത്തവണ അപേക്ഷകരെ തിരഞ്ഞെടുത്തത്. ഇതിലൂടെ 192 അപേക്ഷകർക്ക് മനിറ്റോബയിലേക്ക് കുടിയേറാം.
ഒക്യുപ്പേഷൻ-സ്പെസിഫിക് സെലക്ഷൻ എന്ന രീതിയിലൂടെ മനിറ്റോബയുടെ തൊഴിൽ വിപണിയിൽ ആവശ്യമായ നൈപുണ്യങ്ങൾ ഉള്ളവർക്ക് മുൻഗണന നൽകാനാണ് പ്രൊവിൻസ് ശ്രമിക്കുന്നത്. മനിറ്റോബ PNP വഴി കാനഡയിലേക്ക് കുടിയേറാൻ ആഗ്രഹിക്കുന്നവർക്കായി ഈ അവസരങ്ങൾ വലിയ സാധ്യതയാണ് നൽകുന്നത്.
