ആലപ്പുഴ: 72-ാമത് നെഹ്റു ട്രോഫി ജലമേളയ്ക്കായി പുന്നമട ഒരുങ്ങി. മുഖ്യമന്ത്രി വി.ഡി. സതീശന് ഉദ്ഘാടനം ചെയ്യുന്ന ജലമേളയില് 22 ചുണ്ടന് വള്ളങ്ങള് ഉള്പ്പെടെ 71 വള്ളങ്ങളാണ് മത്സരിക്കുന്നത്. കര്ണാടക മുഖ്യമന്ത്രി ഡി.കെ. ശിവകുമാറും കേന്ദ്രമന്ത്രി ഗജേന്ദ്ര സിങ് ഷെഖാവത്തും മുഖ്യാതിഥികളായി പങ്കെടുക്കും.
ജലമേളയോട് അനുബന്ധിച്ച് ആലപ്പുഴ ജില്ലയിലെ വിദ്യാഭ്യാസ സ്ഥാപനങ്ങള്ക്കും സര്ക്കാര് ഓഫീസുകള്ക്കും ഇന്ന് അവധിയായിരിക്കും. എന്നാല് പൊതുപരീക്ഷകള്ക്ക് മാറ്റമുണ്ടാകില്ല.
ജലമേളയുടെ ഭാഗമായി രാവിലെ ഒന്പത് മണി മുതല് ആലപ്പുഴ നഗരത്തില് ഗതാഗത നിയന്ത്രണം ഏര്പ്പെടുത്തും. ജില്ലാ കോടതിപ്പാലത്തിന്റെ നിര്മാണ പ്രവൃത്തികള് കൂടി നടക്കുന്നതിനാല് 22ന് ഉച്ചയ്ക്ക് ഒന്നുമുതല് വൈകിട്ട് ആറുവരെ കെഎസ്ആര്ടിസി ബസുകള് ആലപ്പുഴ സ്റ്റാന്ഡിലേക്ക് പ്രവേശിപ്പിക്കില്ല.
ഇതിന് പുറമെ ജില്ലയിലെ എല്ലാ കെഎസ്ഇബി ഓഫീസുകള്ക്കും ഇന്ന് അവധിയായിരിക്കും. ക്യാഷ് കൗണ്ടറുകളും പ്രവര്ത്തിക്കില്ല.
