Thursday, November 19, 2026

കാനഡ ഡിസെബിലിറ്റി ബെനിഫിറ്റ് നാളെ ലഭിക്കും; അർഹർക്ക് പരമാവധി 204.20 ഡോളർ

ഓട്ടവ: കാനഡയിലെ യോഗ്യരായ ഭിന്നശേഷിക്കാർക്കുള്ള ഫെഡറൽ സർക്കാരിന്റെ കാനഡ ഡിസെബിലിറ്റി ബെനിഫിറ്റ് (CDB) നാളെ ബാങ്ക് അക്കൗണ്ടുകളിലെത്തും. അർഹരായവർക്ക് പ്രതിമാസം പരമാവധി 204.20 കനേഡിയൻ ഡോളറാണ് ലഭിക്കുക.

ആർക്കൊക്കെ ലഭിക്കും?

18നും 64നും ഇടയിൽ പ്രായമുള്ള, കാനഡയിൽ താമസിക്കുന്ന, ഡിസെബിലിറ്റി ടാക്സ് ക്രെഡിറ്റിന് (DTC) അംഗീകാരം ലഭിച്ചവർക്കാണ് ആനുകൂല്യത്തിന് അപേക്ഷിക്കാനാകുക. അപേക്ഷകനും പങ്കാളിയുമുണ്ടെങ്കിൽ ഇരുവരും 2025ലെ നികുതി റിട്ടേൺ സമർപ്പിച്ചിരിക്കണം.

വരുമാന പരിധി

  • അവിവാഹിതർക്ക് വാർഷിക വരുമാനം 23,483 ഡോളറോ അതിൽ താഴെയോ ആണെങ്കിൽ പരമാവധി ആനുകൂല്യം ലഭിക്കും.
  • ദമ്പതികൾക്ക് ആകെ വരുമാനം 33,183 ഡോളറോ അതിൽ താഴെയോ ആണെങ്കിൽ പരമാവധി തുകയ്ക്ക് അർഹതയുണ്ട്.

വരുമാനം കൂടുന്നതിനനുസരിച്ച് ആനുകൂല്യത്തുക കുറയും. തൊഴിൽ വരുമാനത്തിന് പ്രത്യേക ഇളവുകളും അനുവദിച്ചിട്ടുണ്ട്.

പണം ലഭിച്ചില്ലെങ്കിൽ എന്തുചെയ്യണം?

നാളെ തുക ലഭിച്ചില്ലെങ്കിൽ ബാങ്ക് വിവരങ്ങളും നികുതി രേഖകളും പരിശോധിക്കണം. പേയ്‌മെന്റ് ലഭിക്കാത്തവർ 10 പ്രവൃത്തിദിവസം കാത്തശേഷം 1-833-486-3007 എന്ന നമ്പറിൽ സർവീസ് കാനഡയുമായി ബന്ധപ്പെടാം.

ആനുകൂല്യം തുടർന്നും ലഭിക്കുന്നതിന് ഓരോ വർഷവും കൃത്യസമയത്ത് നികുതി റിട്ടേൺ സമർപ്പിക്കേണ്ടതുണ്ട്.

Advertisement

Stay Connected
16,985FansLike
2,458FollowersFollow
61,453SubscribersSubscribe
Must Read
Related News
error: Content is protected !!