ഓട്ടവ : ഒൻ്റാരിയോ നോർവിച്ചിലെ അടച്ചു പൂട്ടിയ റിട്ടയർമെൻ്റ് ഹോമിലെ താമസക്കാരെ സഹായിക്കാൻ രംഗത്തെത്തി പ്രൊവിൻഷ്യൽ റെഗുലേറ്റർ. പുതിയ താമസ സൗകര്യങ്ങൾ കണ്ടെത്താൻ താമസക്കാരെ സഹായിക്കാനാണ് പ്രൊവിൻഷ്യൽ റെഗുലേറ്റർ രംഗത്തെത്തിയത്. നവംബർ 11-നാണ് നോർവിച്ചിലുള്ള ട്രിലിയം കെയർ നോർവിച്ച് എന്ന റിട്ടയർമെൻ്റ് ഹോം അടച്ചുപൂട്ടിയത്. പുതിയ പരിചരണകേന്ദ്രം കണ്ടെത്താനും എമർജൻസി റിസോഴ്സുകൾ ആക്സസ് ചെയ്യാനുമാണ് താമസക്കാരെ സഹായിക്കുന്നതിന് റെഗുലേറ്ററി അതോറിറ്റി പ്രവർത്തിക്കുന്നത്.
റിട്ടയർമെൻ്റ് ഹോമിലെ 18 അന്തേവാസികൾക്ക് പുതിയ താമസസൗകര്യം കണ്ടെത്താൻ രണ്ടാഴ്ച മാത്രം ബാക്കി നിൽക്കെയാണ് ഈ സഹായം. ഈ അടച്ചുപൂട്ടൽ 120 ദിവസത്തെ നോട്ടീസ് പിരീഡ് ആവശ്യപ്പെടുന്ന റിട്ടയർമെൻ്റ് ഹോംസ് ആക്ടിൻ്റെ ലംഘനമാണെന്ന് റിട്ടയർമെൻ്റ് ഹോം റെഗുലേറ്ററി അതോറിറ്റി പറഞ്ഞു.
സാമ്പത്തിക പ്രതിസന്ധിയാണ് പെട്ടെന്നുള്ള അടച്ചുപൂട്ടലിന് കാരണമെന്ന് റിട്ടയർമെൻ്റ് ഹോം മാനേജർ ഡേവിഡ് യുഷ്കിൻ പറഞ്ഞു. എന്നാൽ, കുടുംബാംഗങ്ങൾ ആശങ്കയിലാണ്. അതിനിടെ റിട്ടയർമെൻ്റ് ഹോമിൽ നടന്ന വഞ്ചനയെക്കുറിച്ച് പൊലീസ് അന്വേഷണം നടക്കുന്നുണ്ട്. ഒന്നിലധികം പേർക്ക് ഒന്നിലധികം 50,000 ഡോളർ നഷ്ടപ്പെട്ടതായി റിപ്പോർട്ടുണ്ട്. ഈ കെട്ടിടം ഏപ്രിലിൽ 20 ലക്ഷം ഡോളറിന് വിൽപ്പനയ്ക്ക് ലിസ്റ്റ് ചെയ്തിരുന്നു.
