ടെസ്റ്റ് മെറ്റീരിയൽ ചോർച്ചയെ തുടർന്ന് മാറ്റിവെച്ച ഒന്റാറിയോ ബാർ പരീക്ഷകൾ ഏപ്രിലിൽ

ടെസ്റ്റ് മെറ്റീരിയൽ ചോർച്ചയെ തുടർന്ന് ഈ മാസം റദ്ദാക്കിയ ബാർ പരീക്ഷകൾ ഏപ്രിലിലേക്ക് പുനഃക്രമീകരിച്ചതായി ഒന്റാറിയോയിലെ ലോ സൊസൈറ്റി അറിയിച്ചു. ചില ഉദ്യോഗാർത്ഥികൾ ടെസ്റ്റ് മെറ്റീരിയലുകൾ ആക്‌സസ് ചെയ്യുവാൻ സാധ്യതയുണ്ടെന്ന ആശങ്ക കണക്കിലെടുത്തു ഈ മാസം നടത്താനിരുന്ന ബാരിസ്റ്റർ, സോളിസിറ്റർ പരീക്ഷകൾ ദിവസങ്ങൾക്ക് മുമ്പാണ് റദ്ദാക്കിയത്.
ഉദ്യോഗാർത്ഥികൾക്കുള്ള ബാരിസ്റ്റർ പരീക്ഷകൾ ഏപ്രിൽ 5 മുതൽ ഏപ്രിൽ 8 വരെയും സോളിസിറ്റർ പരീക്ഷകൾ ഏപ്രിൽ 26 മുതൽ ഏപ്രിൽ 29 വരെയും നടക്കുമെന്ന് ലോ സൊസൈറ്റി അറിയിച്ചു.
മാർച്ചിലെ പരീക്ഷകൾ ഓൺലൈനായി എഴുതേണ്ടതായിരുന്നു, എന്നാൽ വീണ്ടും ഷെഡ്യൂൾ ചെയ്ത പരീക്ഷകൾ ടൊറന്റോയിൽ നേരിട്ട് നടത്തുമെന്ന് ലോ സൊസൈറ്റി അറിയിച്ചു.
പരീക്ഷാ സാഹചര്യത്തെക്കുറിച്ച് ബാഹ്യ അന്വേഷണം തുടരുകയാണെന്ന് ലോ സൊസൈറ്റി പറയുന്നു.