മൺട്രിയോൾ : തിങ്കളാഴ്ച രാത്രി മൺട്രിയോളിൽ കനത്ത മഞ്ഞുവീഴ്ചക്കും കൊടും കാറ്റിനും സാധ്യതയെന്ന് എൻവയൺമെൻ്റ് ആൻഡ് ക്ലൈമറ്റ് ചേഞ്ച് കാനഡ. തെക്കുപടിഞ്ഞാറൻ കാറ്റ് മണിക്കൂറിൽ 90 കി.മീ വരെ വേഗത്തിൽ വീശാൻ സാധ്യതയുണ്ട്. കാലാവസ്ഥാ ഏജൻസി രണ്ട് കാലാവസ്ഥാ മുന്നറിയിപ്പുകളും നൽകിയിട്ടുണ്ട്.
മരക്കൊമ്പുകൾ ഒടിഞ്ഞുവീഴാൻ സാധ്യതയുള്ളതിനാൽ ജാഗ്രത നിർദേശം പുറപ്പെടുവിച്ചിട്ടുണ്ട്. കനത്ത മഞ്ഞുവീഴ്ചയിൽ ദൃശ്യപരത കുറഞ്ഞേക്കാം. അതിനാൽ യാത്ര ചെയ്യുന്നവർ ജാഗ്രത പുലർത്തണം. സീറോ വിസിബിലിറ്റിയും കനത്ത മഞ്ഞുവീഴ്ചയുടെ തീവ്രമായാൽ സ്നോ സ്ക്വാൾ വാച്ചുകൾ പുറപ്പെടുവിച്ചേക്കും.
