വിക്ടോറിയ : യുഎസ് താരിഫ് ഭീഷണി പ്രവിശ്യയുടെ സമ്പദ്വ്യവസ്ഥയിൽ സ്വാധീനം ചെലുത്തുന്നതിനാൽ മന്ത്രിസഭ പുനഃക്രമീകരിച്ച് ബ്രിട്ടിഷ് കൊളംബിയ പ്രീമിയർ ഡേവിഡ് എബി. പ്രവിശ്യയിലെ പ്രധാന പദ്ധതികൾ മുന്നോട്ട് കൊണ്ടുപോകുന്നതിനും സാമ്പത്തിക അഭിവൃദ്ധി പ്രോത്സാഹിപ്പിക്കുന്നതിനും പരിചയസമ്പന്നരായ മന്ത്രിമാരെ ചുമതലപ്പെടുത്തിയതായി അദ്ദേഹം പറഞ്ഞു. പ്രവിശ്യയുടെ ഏറ്റവും വലിയ വെല്ലുവിളികളായ സമ്പദ്വ്യവസ്ഥ വളർത്തുക, നിക്ഷേപ അവസരങ്ങൾ പ്രയോജനപ്പെടുത്തുക, പൊതു സേവനങ്ങൾ ശക്തിപ്പെടുത്തുക എന്നിവയിൽ തന്റെ മന്ത്രിസഭ ശ്രദ്ധകേന്ദ്രീകരിക്കുമെന്നും പ്രീമിയർ അറിയിച്ചു.
മന്ത്രിസഭാ പുനഃക്രമീകരണത്തിൽ ഡയാന ഗിബ്സണിന് പകരം മുൻ ഭവന മന്ത്രി രവി കഹ്ലോൺ തൊഴിൽ മന്ത്രിയായി ചുമതലയേറ്റു. ഡയാന ഗിബ്സണിനെ ജോർജ്ജ് ചൗ മുമ്പ് വഹിച്ചിരുന്ന പൗരന്മാരുടെ സേവന പദവിയിലേക്ക് മാറ്റി. ക്രിസ്റ്റീൻ ബോയിൽ ഭവന വകുപ്പ് ഏറ്റെടുക്കും. അതേസമയം ഗാരി ബെഗ്ഗിനെ സോളിസിറ്റർ ജനറൽ സ്ഥാനത്ത് നിന്ന് പുറത്താക്കി, പകരം നീന ക്രീഗർ നിയമിക്കപ്പെട്ടു.
