ടൊറൻ്റോ : സ്കാർബ്റോ സെൻ്റ് തോമസ് സീറോ മലബാര്‍ ഫൊറോന ഇടവകയുടെ നേതൃത്വത്തിലുള്ള ടൊറൻ്റോ സീറോ മലബാര്‍ സ്‌പോര്‍ട്‌സ് അക്കാദമി 14 വയസ്സിന് താഴെയുള്ള കുട്ടികള്‍ക്കായി ഫുട്ബോൾ ടൂര്‍ണമെൻ്റ് സംഘടിപ്പിക്കുന്നു. ഇന്‍റര്‍ചര്‍ച്ച് സോക്കര്‍ ടൂര്‍ണമെൻ്റ് ഓഗസ്റ്റ് 23-ന് സ്കാർബ്റോയിലെ റോണ്‍ വാട്‌സണ്‍ പാര്‍ക്കിലാണ് നടക്കുക. കേരള ക്രിസ്ത്യൻ എക്യുമെനിക്കല്‍ ഫെല്ലോഷിപ്പിന്‍റെ കീഴില്‍ ഒൻ്റാരിയോയിലെ വിവിധ പള്ളികളില്‍ നിന്നായി 12 ടീമുകള്‍ ടൂര്‍ണമെൻ്റില്‍ പങ്കെടുക്കുമെന്ന് സംഘാടകർ അറിയിച്ചു.
ഒന്നാം സമ്മാനമായി ആയിരം ഡോളറും ട്രോഫിയും രണ്ടാം സ്ഥാനത്തെത്തുന്ന ടീമിന് 500 ഡോളറും ട്രോഫിയും മികച്ച കളിക്കാരന് ഗോള്‍ഡന്‍ ബൂട്ട്, മികച്ച ഗോളിക്ക് പ്രത്യേക പുരസ്‌ക്കാരങ്ങളും നല്‍കും. ടൂര്‍ണമെൻ്റിനോടനുബന്ധിച്ച് ഫുഡ് ഫെസ്റ്റിവല്‍, വിവിധ കലാപരിപാടികള്‍ എന്നിവയും അരങ്ങേറും.
