ഹാലിഫാക്സ് : മാരിടൈംസ് പ്രവിശ്യകളായ നോവസ്കോഷ, ന്യൂബ്രൺസ്വിക്, പ്രിൻസ് എഡ്വേഡ് ഐലൻഡ് എന്നിവിടങ്ങളിൽ പെട്രോൾ-ഡീസൽ വില ഒറ്റരാത്രികൊണ്ട് കുറഞ്ഞു.
നോവസ്കോഷ
ഹാലിഫാക്സ് മേഖലയിലെ സാധാരണ പെട്രോളിന്‍റെ വില രണ്ട് സെൻ്റ് കുറഞ്ഞ് ലിറ്ററിന് 144.7 സെൻ്റായതായി നോവസ്കോഷ സർക്കാർ അറിയിച്ചു. കൂടാതെ പ്രവിശ്യയിലെ ഡീസൽ വില 2.2 സെൻ്റ് കുറഞ്ഞു. പുതിയ ഏറ്റവും കുറഞ്ഞ വില ലിറ്ററിന് 145.5 സെൻ്റായി. പ്രവിശ്യയിലെ മറ്റൊരു നഗരമായ കെയ്പ് ബ്രെറ്റണിൽ സാധാരണ പെട്രോളിന് ലിറ്ററിന് 146.6 സെന്റും ഡീസലിന് ലിറ്ററിന് 147.4 സെൻ്റുമാണ് ഈടാക്കുന്നത്.
പ്രിൻസ് എഡ്വേഡ് ഐലൻഡ്
പി.ഇ.ഐയിൽ, സാധാരണ പെട്രോളിന്‍റെ വില 1.2 സെൻ്റ് കുറഞ്ഞു. പുതിയ പെട്രോൾ വില ലിറ്ററിന് 149.0 സെൻ്റാണ്. പ്രവിശ്യയിൽ ഡീസൽ വില 2.3 സെൻ്റ് കുറഞ്ഞു. ഏറ്റവും കുറഞ്ഞ വില ലിറ്ററിന് 155.0 സെൻ്റുമായി.
ന്യൂബ്രൺസ്വിക്
ന്യൂബ്രൺസ്വിക്കിൽ സാധാരണ പെട്രോൾ വില 2.1 സെൻ്റ് കുറഞ്ഞിട്ടുണ്ട്. ഇപ്പോൾ പരമാവധി വില ലിറ്ററിന് 145.4 സെൻ്റായി. ഡീസലിന്‍റെ വില 2.2 സെൻ്റ് കുറഞ്ഞ് ലിറ്ററിന് 150.2 സെൻ്റാണ് പ്രവിശ്യയിൽ ഈടാക്കുന്നത്.
