ടൊറൻ്റോ : തെക്കൻ ഒൻ്റാരിയോയിൽ ഇന്ന് കനത്ത മഴയ്ക്കും ഇടിമിന്നലിനും സാധ്യതയുണ്ടെന്ന് എൻവയൺമെൻ്റ് കാനഡ പ്രവചിക്കുന്നു. ടൊറൻ്റോ, മിസ്സിസാഗ, ബ്രാംപ്ടൺ, ഹാമിൽട്ടൺ, ഓഷവ, പിക്കറിങ്, നയാഗ്ര ഫോൾസ് എന്നിവിടങ്ങളിൽ മേഘാവൃതമായ കാലാവസ്ഥയായിരിക്കുമെന്ന് കാലാവസ്ഥാ ഏജൻസി അറിയിച്ചു. ഈ മേഖലയിൽ ഉച്ചകഴിഞ്ഞ് മഴ പെയ്യാനും ഇടിമിന്നലുണ്ടാകാനുമുള്ള സാധ്യത 60% ആയിരിക്കും.
തെക്കൻ ഒൻ്റാരിയോയിൽ പകൽ സമയത്തെ ഉയർന്ന താപനില ഏകദേശം 22 ഡിഗ്രി സെൽഷ്യസ് ആയിരിക്കും. പക്ഷേ മിസ്സിസാഗയിൽ 27 ഡിഗ്രി സെൽഷ്യസ് വരെ താപനില അനുഭവപ്പെടാം. ബുധനാഴ്ച രാത്രിയിൽ മഴയ്ക്ക് 60% സാധ്യതയും വൈകുന്നേരങ്ങളിൽ ഇടിമിന്നലിനുള്ള സാധ്യതയും പ്രതീക്ഷിക്കുന്നു. രാത്രിയിലെ ഏറ്റവും കുറഞ്ഞ താപനില ഏകദേശം 17 ഡിഗ്രി സെൽഷ്യസ് ആയിരിക്കും. വ്യാഴാഴ്ച ജിടിഎയിൽ കൂടുതൽ മഴ പെയ്യാൻ സാധ്യതയുണ്ട്. ദിവസം മുഴുവൻ മഴയും 23 ഡിഗ്രി സെൽഷ്യസും വരെ ഉയർന്ന താപനിലയും പ്രതീക്ഷിക്കുന്നതായി കാലാവസ്ഥാ വകുപ്പ് അറിയിച്ചു.
