ടൊറൻ്റോ : ക്രിസ്മസ് ആഘോഷങ്ങളും കടുത്ത ശൈത്യകാല ഊർജ്ജ ബില്ലുകളും വരുന്ന ഡിസംബർ മാസത്തിൽ ഒൻ്റാരിയോ നിവാസികൾക്ക് ആശ്വാസമായി ഒൻ്റാരിയോ ട്രിലിയം ബെനിഫിറ്റ് (OTB) പത്തിന് വിതരണം ചെയ്യുമെന്ന് കാനഡ റവന്യൂ ഏജൻസി (CRA) അറിയിച്ചു. ഒൻ്റാരിയോ സെയിൽസ് ടാക്സ് ക്രെഡിറ്റ് (OSTC), നോർത്തേൺ ഒൻ്റാരിയോ എനർജി ക്രെഡിറ്റ് (NOEC), ഒൻ്റാരിയോ എനർജി ആൻഡ് പ്രോപ്പർട്ടി ടാക്സ് ക്രെഡിറ്റുകൾ (OEPTC) എന്നീ മൂന്ന് ക്രെഡിറ്റുകൾ കൂടിച്ചേരുന്നതാണ് OTB.
ഒരു വ്യക്തിക്ക് അവരുടെ പ്രായം, വരുമാനം, താമസിക്കുന്ന സ്ഥലം, കുടുംബങ്ങളുടെ എണ്ണം, വാടകയ്ക്കോ വസ്തുനികുതിയിലോ അടച്ച തുക എന്നിവയെ ആശ്രയിച്ചാണ് ഒൻ്റാരിയോ ട്രില്ലിയം ബെനിഫിറ്റ് കണക്കാക്കുക. എന്നാൽ, ഒരു വ്യക്തിക്കോ കുടുംബത്തിനോ നൽകുന്ന OTB വാർഷിക പേയ്മെൻ്റ് 371 ഡോളറോ അതിൽ കുറവോ ആണെങ്കിൽ ഒറ്റത്തവണയായി പേയ്മെൻ്റ് വിതരണം ചെയ്യാറുണ്ട്. ഇത് സാധാരണ ജൂലൈ മാസത്തിലാണ് വിതരണം ചെയ്യുക. 2026 ജനുവരി 9, 2026 ഫെബ്രുവരി 10, 2026 മാർച്ച് 10, 2026 ഏപ്രിൽ 10, 2026 മെയ് 8, 2026 ജൂൺ 10, 2026 ജൂലൈ 10, 2026 ഓഗസ്റ്റ് 10, 2026 സെപ്റ്റംബർ 10, 2026 ഒക്ടോബർ 9, 2026 നവംബർ 10, 2026 ഡിസംബർ 10 എന്നീ തീയതികളിലായിരിക്കും ഇനി ഒൻ്റാരിയോ ട്രിലിയം ബെനിഫിറ്റ് വിതരണം ചെയ്യുന്നത്.
