വിക്ടോറിയ : ഏറെ നാളുകളുടെ കാത്തിരിപ്പിനു ശേഷം ബ്രിട്ടീഷ് കൊളംബിയയിൽ ടൂറിസം ഇവന്റ് പ്രോഗ്രാമിന് തിരി തെളിയുന്നു. ബ്രിട്ടീഷ് കൊളംബിയ സംഘടിപ്പിക്കുന്ന പ്രോഗ്രാമിൽ ലൈറ്റ്സ്, ഔട്ട്ഡോർ മ്യൂസിക് ഫെസ്റ്റിവലുകൾ, ആർട്ട് ഷോകൾ എന്നിവ ഉൾപ്പെടുന്നു. കോവിഡ് നിയന്ത്രണങ്ങൾ പിൻവലിച്ചതോടെ വളരെ പ്രതീക്ഷയോടെയാണ് ടൂറിസം ഇവന്റ് പ്രോഗ്രാമിനായി ജനങ്ങൾ കാത്തിരിക്കുന്നത്.
2022 ഒക്ടോബറിനും 2023 സെപ്റ്റംബറിനും ഇടയിലുള്ള നടക്കുന്ന ഇവന്റുകളെ പിന്തുണയ്ക്കാൻ സർക്കാർ 5 മില്യൺ ഡോളർ നിക്ഷേപിക്കും. ഇവന്റ്സ് പ്രോഗ്രാം ബ്രിട്ടീഷ് കൊളംബിയയുടെ മികച്ച ടൂറിസ്റ്റ് കേന്ദ്രമെന്ന പ്രശസ്തി ശക്തിപ്പെടുത്താനും കമ്മ്യൂണിറ്റികൾക്ക് കുടുതൽ ടൂറിസ്റ്റ് മേഖലകൾ വളർത്താനും സഹായകമാകും.
“ബ്രിട്ടീഷ് കൊളംബിയയിൽ ഉത്സവങ്ങളും തത്സമയ സംഗീതവും കായിക ഇനങ്ങളും വർദ്ധിക്കുന്നത് കാണുന്നതിൽ ആവേശഭരിതനാണെന്ന്,” ടൂറിസം, കല, സാംസ്കാരിക, കായിക മന്ത്രി മെലാനി മാർക്ക് പറഞ്ഞു. “ ഈ ഇവന്റുകൾ പ്രോത്സാഹിപ്പിക്കുന്നതിന് ടൂറിസം ഇവന്റ്സ് പ്രോഗ്രാം സഹായിക്കുന്നു. അതിനാൽ കമ്മ്യൂണിറ്റികളിലേക്ക് സന്ദർശകരെ ആകർഷിക്കുന്നതിനും പ്രവിശ്യയിലുടനീളമുള്ള വിനോദസഞ്ചാരത്തിന് ഒരു ആകർഷണീയത ഉറപ്പാക്കുന്നു, മെലാനി മാർക്ക് വ്യക്തമാക്കി.
“ടൂറിസം ഇവന്റ്സ് പ്രോഗ്രാം ഫണ്ടിംഗ് ലഭിക്കുന്നത് മൂലം വിപണനത്തിന്റെ വിവിധ വഴികൾ പര്യവേക്ഷണം ചെയ്യാൻ ഞങ്ങളെ അനുവദിച്ചു. അതിനാൽ ഞങ്ങൾക്ക് കൂടുതൽ പ്രേക്ഷകരിലേക്ക് എത്തിച്ചേരാനാകും,” പ്രിൻസ് ജോർജ്ജ് വിന്റർ മ്യൂസിക് ഫെസ്റ്റിവലായ കോൾഡ്സ്നാപ്പിന്റെ ആർട്ടിസ്റ്റിക് ഡയറക്ടർ സ്യൂ ജഡ്ജ് പറഞ്ഞു. പകർച്ചവ്യാധി നിയന്ത്രണങ്ങളും ഒത്തുചേരലുകൾ പരിമിതപ്പെടുത്തുന്ന മാർഗ്ഗനിർദ്ദേശങ്ങളും കാരണം 2020 മുതൽ ഇവന്റ്സ് താൽക്കാലികമായി നിർത്തിവെച്ചിരുന്നു.
ടൂറിസം ഇവന്റുകൾ പ്രോഗ്രാമിലേക്കുള്ള അപേക്ഷകൾ 2022 ഏപ്രിൽ 27 മുതൽ 2022 മെയ് 31 വരെ സ്വീകരിക്കും.