വിനിപെഗ് : ശൈത്യകാല കൊടുങ്കാറ്റും മഞ്ഞുവീഴ്ചയും നിറഞ്ഞ ആഴ്ചയുടെ തുടക്കത്തെത്തുടർന്ന്, വിനിപെഗ് സിറ്റി ജീവനക്കാർ നഗരത്തിലെ പ്രധാന റൂട്ടുകളിൽ മഞ്ഞ് നീക്കം ചെയ്യുന്ന പ്രവർത്തനങ്ങൾ ആരംഭിച്ചു. പ്രാദേശിക തെരുവുകളിൽ നിന്ന് ആരംഭിച്ച മഞ്ഞ് നീക്കം ചെയ്യൽ, നോൺ-റീജനൽ ബസ് റൂട്ടുകളിലേക്കും കളക്ടർ തെരുവുകളിലേക്കും വ്യാപിപ്പിച്ചിട്ടുണ്ട്. റെസിഡൻഷ്യൽ സ്ട്രീറ്റുകളിൽ അവസാനിക്കുന്ന റോഡുകൾ, പാതകൾ, നടപ്പാതകൾ എന്നിവയ്ക്ക് മുൻഗണന നൽകിയാണ് ഈ പ്രവർത്തനങ്ങൾ പുരോഗമിക്കുന്നത്. ചൊവ്വാഴ്ച വൈകുന്നേരം 7 മണിക്ക് നടപ്പാതകളുടെയും പാതകളുടെയും പൂർണ്ണമായ മഞ്ഞ് നീക്കം ചെയ്യൽ ആരംഭിക്കും. തുടർന്ന് മറ്റു ലെയ്നുകളിലെ മഞ്ഞ് നീക്കം ചെയ്യൽ ബുധനാഴ്ച വൈകുന്നേരം 7 മണിക്ക് തുടക്കമാകും.
മഞ്ഞ് നീക്കം ചെയ്യൽ പ്രവർത്തനങ്ങളെ സഹായിക്കുന്നതിനായി വാർഷിക ശൈത്യകാല റൂട്ട് പാർക്കിങ് നിരോധനം പ്രാബല്യത്തിൽ തുടരുന്നുണ്ട്. അതായത് പുലർച്ചെ 2 മണി മുതൽ രാവിലെ 7 മണി വരെ നിയുക്ത റൂട്ടുകളിൽ പാർക്കിങ് പാടില്ല. കൂടാതെ റെസിഡൻഷ്യൽ പ്രദേശങ്ങളിൽ നിന്ന് മഞ്ഞും ഐസും നീക്കം ചെയ്യുന്നതിനായി റെസിഡൻഷ്യൽ പാർക്കിങ് നിരോധം ഉടൻ ആരംഭിക്കുമെന്നും വിനിപെഗ് സിറ്റി അറിയിച്ചു. റെസിഡൻഷ്യൽ പാർക്കിങ് നിരോധം വ്യാഴാഴ്ച രാവിലെ 7 മണിക്ക് ആരംഭിച്ച് ശനിയാഴ്ച വൈകുന്നേരം 7 മണി വരെ നീണ്ടുനിൽക്കും. ഓരോ സോണും എപ്പോൾ വൃത്തിയാക്കുമെന്ന് വ്യക്തമാക്കുന്ന ഷെഡ്യൂൾ ഓൺലൈനിൽ പരിശോധിക്കാം. നിരോധന ലംഘനത്തിന് 200 ഡോളർ പിഴ ഈടാക്കും. അതേസമയം റെസിഡൻഷ്യൽ പാർക്കിങ് നിരോധന കാലയളവിലുടനീളം ശൈത്യകാല റൂട്ട് പാർക്കിങ് നിരോധനം താൽക്കാലികമായി നിർത്തിവയ്ക്കും.
