കൊച്ചി: ഇന്നലത്തെ വൻ ഇടിവിന് പിന്നാലെ സംസ്ഥാനത്ത് സ്വർണവില ഇന്ന് വീണ്ടും വർധിച്ചു. ഗ്രാമിന് 180 രൂപയും പവന് 1,440 രൂപയുമാണ് ഇന്ന് കൂടിയത്. ഇതോടെ സ്വർണവില വീണ്ടും ഒരു ലക്ഷം കടന്ന് മുന്നേറുകയാണ്.
ഇന്നത്തെ വിപണി നിരക്ക് ; ചുവടെ ചേർക്കുന്നു
ഒരു ഗ്രാം സ്വർണം: 13,835 രൂപ
ഒരു പവൻ സ്വർണം: 1,10,680 രൂപ
അന്താരാഷ്ട്ര വിപണിയിൽ സ്പോട്ട് ഗോൾഡ് വിലയിലുണ്ടായ നേരിയ വർധനവാണ് കേരളത്തിലും പ്രതിഫലിച്ചത്. ട്രോയ് ഔൺസിന് 4,676.4 ഡോളറിലാണ് നിലവിൽ വ്യാപാരം നടക്കുന്നത്. ഇറാൻ-യുഎസ് യുദ്ധസാഹചര്യങ്ങളിലെ അനിശ്ചിതത്വവും ട്രംപിന്റെ നയതന്ത്രപരമായ നീക്കങ്ങളും ആഗോള സ്വർണവിപണിയെ വല്ലാതെ സ്വാധീനിക്കുന്നുണ്ട്. ഇന്നലെ രണ്ട് തവണയായി പവന് 2,920 രൂപ കുറഞ്ഞിരുന്നു. എന്നാൽ ആശ്വാസം നീണ്ടുനിൽക്കാതെ വില വീണ്ടും മുകളിലേക്ക് തന്നെ ഉയരുന്ന കാഴ്ചയാണ് ഇന്ന് കാണുന്നത്.
