പാലക്കാട്: പാലക്കാട്ടെ യുഡിഎഫ് സ്ഥാനാര്ത്ഥി രമേശ് പിഷാരടിക്കെതിരെ പൊലീസില് പരാതി നല്കി മഹിളാമോര്ച്ച. പിഷാരടി സ്ത്രീവിരുദ്ധ പരാമര്ശം നടത്തിയെന്നാണ് പരാതി. മഹിളാ മോര്ച്ചാ പാലക്കാട് ജില്ലാ പ്രസിഡന്റ് കവിതാ മേനോനാണ് ജില്ലാ പൊലീസ് മേധാവിക്ക് പരാതി നല്കിയത്.
ബലാത്സംഗങ്ങളെ വ്യക്തിപരമായി ചിത്രീകരിക്കുക വഴി ബലാത്സംഗത്തില് അകപ്പെട്ട ഇരകളെയും സ്ത്രീത്വത്തെയും അവഹേളിക്കുകയാണ് പിഷാരടി ചെയ്തത്. ഇതിനെതിരെ മാതൃകാപരമായ നടപടി സ്വീകരിക്കണമെന്ന് മഹിളാ മോര്ച്ചാ ജില്ലാ പ്രസിഡന്റ് ആവശ്യപ്പെട്ടു.
അതേസമയം രമേശ് പിശാരടിയെ തടഞ്ഞ സംഭവത്തില് കോണ്ഗ്രസ് കഴിഞ്ഞ ദിവസം പരാതി നല്കി. പാലക്കാട് ബ്ലോക്ക് കോണ്ഗ്രസ് കമ്മറ്റ് പ്രസിഡന്റ് സി .വി സതീഷ് പൊലീല് പരാതി നല്കി. പാലക്കാട് ഡിവൈഎസ്പിക്കാണ് പരാതി നല്കിയത്. സംഭവം അന്വേഷിക്കണമെന്നും കുറ്റക്കാര്ക്കെതിരെ നടപടിയെടുക്കണമെന്നുമാണ് പരാതിയിലെ ആവശ്യം. ഇന്നലെ രാത്രിയാണ് സ്ഥാനാര്ത്ഥി പര്യടനത്തിനിടെ വടക്കന്തറയില് ബിജെപി പ്രവര്ത്തകര് രമേഷ് പിഷാരടിയെ തടഞ്ഞത്.
