ഓട്ടവ: ബാങ്ക് ഓഫ് കാനഡയുടെ ഈ ബുധനാഴ്ച നടക്കുന്ന യോഗത്തിൽ ബെഞ്ച്മാർക്ക് പലിശനിരക്ക് 2.25 ശതമാനത്തിൽ മാറ്റമില്ലാതെ നിലനിർത്തുമെന്ന് സാമ്പത്തിക വിദഗ്ധരുടെ പ്രതീക്ഷ. ഇത് തുടർച്ചയായ അഞ്ചാം തവണയാണ് നിരക്ക് മാറ്റമില്ലാതെ തുടരാനുള്ള സാധ്യത ഉയരുന്നത്.
ആഗോള രാഷ്ട്രീയ അനിശ്ചിതത്വങ്ങളും എണ്ണവിലയിലെ മാറ്റങ്ങളും, കൂടാതെ കാനഡ–യു.എസ്–മെക്സിക്കോ വ്യാപാര കരാർ അവലോകനവും കേന്ദ്രബാങ്കിന്റെ തീരുമാനത്തെ സ്വാധീനിക്കുന്ന പ്രധാന ഘടകങ്ങളാണ്.
സാമ്പത്തിക ഡാറ്റകൾ മിശ്രസൂചനകൾ നൽകുന്നതായി വിദഗ്ധർ പറയുന്നു. തൊഴിലില്ലായ്മ നിരക്ക് കുറയുകയും തൊഴിൽ വിപണിയിൽ പുരോഗതി കാണിക്കുകയും ചെയ്തിട്ടുണ്ടെങ്കിലും, ജിഡിപി ഇടിവ് ഉൾപ്പെടെ ചില സാമ്പത്തിക ദൗർബല്യങ്ങൾ തുടരുന്നു.പണപ്പെരുപ്പം ഏപ്രിലിൽ 2.8 ശതമാനമായി ഉയർന്നിരുന്നു, എന്നാൽ അടിസ്ഥാന സൂചകങ്ങൾ പ്രതീക്ഷിച്ചതിനേക്കാൾ ശമനത്തിലാണെന്ന് റിപ്പോർട്ടുകൾ വ്യക്തമാക്കുന്നു.
