ബാരി: ബാരിയില് ഇന്ന് ചൂടുളളതും തെളിഞ്ഞ കാലാവസ്ഥയായിരിക്കുമെന്ന് എന്വയോണ്മെന്റ് കാനഡ അറിയിച്ചു. താപനില 24 ഡിഗ്രി സെല്ഷ്യസ് വരെ ഉയര്ന്നേക്കാം. എന്നാല് ഹ്യുമിഡെക്സ് കാരണം അനുഭവപ്പെടുന്ന ചൂട് 29 മുതല് 30 ഡിഗ്രി സെല്ഷ്യസിന് അടുത്തായിരിക്കും. ഉച്ചകഴിഞ്ഞ് അന്തരീക്ഷത്തില് കൂടുതല് ചൂട് അനുഭവപ്പെടും.
ചൊവ്വാഴ്ച അള്ട്രാവയലറ്റ് (UV) സൂചിക 7 (ഉയര്ന്ന നില) ആയിരിക്കുമെന്നതിനാല് പുറത്തിറങ്ങുന്നവര് കടുത്ത വേനല്ച്ചൂടിനെതിരെ മുന്കരുതലുകള് എടുക്കണം. ചൊവ്വാഴ്ച രാത്രിയും ആകാശം തെളിഞ്ഞുനില്ക്കുമെന്നും താപനില 12 ഡിഗ്രി സെല്ഷ്യസിലേക്ക് താഴുമെന്നും റിപ്പോര്ട്ടില് പറയുന്നു.
എന്നാല് ബുധനാഴ്ചയോടെ കാലാവസ്ഥയില് മാറ്റമുണ്ടാകും. രാവിലെ മുതല് മേഘാവൃതമായ അന്തരീക്ഷമായിരിക്കും. ബുധനാഴ്ച ഉച്ചയ്ക്ക് ശേഷം മഴ പെയ്യാന് 30 ശതമാനം സാധ്യതയുണ്ട്. പരമാവധി താപനില 22 ഡിഗ്രി സെല്ഷ്യസും ഹ്യുമിഡെക്സ് 27 ആയി അനുഭവപ്പെടുകയും ചെയ്യും. ബുധനാഴ്ച രാത്രിയോടെ മഴയ്ക്കുള്ള സാധ്യത 60 ശതമാനമായി ഉയരുമെന്നും എന്വയോണ്മെന്റ് കാനഡ വ്യക്തമാക്കി.
