കൊച്ചി: സംസ്ഥാനത്ത് റബറിന്റെ വില 300 രൂപയായി ഉയര്ത്താന് നടപടിയുണ്ടാകുമെന്ന് മുഖ്യമന്ത്രി വി.ഡി. സതീശന്. റബര് വില 300 രൂപയിലെത്തുന്നതില് യാതൊരു സംശയവും വേണ്ടെന്നും അദ്ദേഹം പറഞ്ഞു. നിലവിലെ വില 200-250 രൂപയായി ഉയര്ത്തിയെങ്കില് 300 രൂപയിലെത്തിക്കാനും ആവശ്യമായ നടപടികള് സ്വീകരിക്കുമെന്നും മുഖ്യമന്ത്രി വ്യക്തമാക്കി.
കര്ഷകരെ ചേര്ത്തുനിര്ത്തുന്ന കര്ഷകബന്ധു സര്ക്കാരാണ് യു.ഡി.എഫ് സര്ക്കാരെന്ന് വി.ഡി. സതീശന് പറഞ്ഞു. സര്ക്കാരിന്റെ മുന്ഗണനാ പട്ടികയില് കര്ഷകര്ക്ക് പ്രധാന സ്ഥാനമുണ്ട്. വന്യജീവി ആക്രമണം തടയാന് ശക്തമായ നടപടികള് സ്വീകരിക്കും. പുരാതനവും ആധുനികവുമായ സംവിധാനങ്ങളെ സംയോജിപ്പിച്ച് ഏറ്റവും അനുയോജ്യമായ പ്രതിരോധ സംവിധാനം ഒരുക്കുമെന്നും അദ്ദേഹം വ്യക്തമാക്കി.
കര്ഷകരുടെ ആവശ്യങ്ങള് പരിഗണിച്ച് ആവശ്യമായ ഭൂനിയമ ഭേദഗതികള് കൊണ്ടുവരും. നെല് കര്ഷകര്ക്ക് നല്കാനുള്ള കുടിശ്ശിക തിരിച്ചുനല്കുമെന്നും മുഖ്യമന്ത്രി പറഞ്ഞു. കര്ഷകര് നേരിടുന്ന പ്രശ്നങ്ങള് അടിയന്തരമായി പരിഹരിക്കും.
പൂട്ടിക്കിടക്കുന്ന തോട്ടങ്ങള് വീണ്ടും തുറന്ന് പ്രവര്ത്തിപ്പിക്കുന്നതിന് ആവശ്യമായ നടപടികളുമായി മുന്നോട്ടുപോകും. സംസ്ഥാനത്ത് രണ്ടാം ഭൂപരിഷ്കരണം നടപ്പാക്കുമെന്നും വി.ഡി. സതീശന് വ്യക്തമാക്കി.
