ഒന്റാരിയോ : ക്വീൻ എലിസബത്ത് രണ്ട് പ്രൊവിൻഷ്യൽ പാർക്കിന് സമീപം കാണാതായ സ്വകാര്യ വിമാനത്തിന്റെ അവശിഷ്ടങ്ങൾ കണ്ടെത്തിയതിനെ തുടർന്ന് പൈലറ്റിനായുള്ള തിരച്ചിൽ അവസാനിപ്പിച്ചതായി ദുർഹം റീജിയണൽ പോലീസ് അറിയിച്ചു.
73 വയസ്സുകാരനായ പൈലറ്റ് ഡേവിഡ് ഡഗ്ലസ് വെള്ളിയാഴ്ച സ്വകാര്യ വിമാനത്തിൽ പറന്നുയർന്നതിന് പിന്നാലെയാണ് വിമാനം കാണാതായത്. തുടർന്ന് നടത്തിയ വ്യാപകമായ തിരച്ചിലിനിടെ വിമാനത്തിന്റെ ചില ഭാഗങ്ങൾ കണ്ടെത്തിയെങ്കിലും പൈലറ്റിനെക്കുറിച്ച് ഇതുവരെ വിവരമൊന്നും ലഭിച്ചിട്ടില്ല.
വിമാനം അപകടത്തിൽപ്പെട്ടതിന്റെ കൃത്യമായ കാരണം വ്യക്തമല്ല. സാങ്കേതിക തകരാറാണോ അതോ മറ്റേതെങ്കിലും സാഹചര്യങ്ങളാണോ അപകടത്തിന് കാരണമായതെന്ന് കണ്ടെത്തുന്നതിനുള്ള അന്വേഷണം തുടരുകയാണ്. പൈലറ്റിന്റെ നിലവിലെ സ്ഥിതിയും അപകടത്തിലേക്ക് നയിച്ച സാഹചര്യങ്ങളും സംബന്ധിച്ച് കൂടുതൽ വിവരങ്ങൾ അധികൃതർ പുറത്തുവിടാനുണ്ട്.
