ടൊറന്റോ: ഗ്രേറ്റർ ടൊറന്റോ ഏരിയയിലെ (GTA) ഭവന വിപണിയിൽ വലിയ മാറ്റങ്ങൾ പ്രകടമാകുന്നതായി പുതിയ റിപ്പോർട്ട്. ചില കമ്മ്യൂണിറ്റികളിൽ വീടുകൾ വിറ്റഴിക്കാൻ മാസങ്ങളോളം കാത്തിരിക്കേണ്ടി വരുന്നതായാണ് കണക്കുകൾ വ്യക്തമാക്കുന്നത്. പ്രമുഖ ഡിജിറ്റൽ റിയൽ എസ്റ്റേറ്റ് പ്ലാറ്റ്ഫോമായ ‘വാഹി’ (Wahi) പുറത്തുവിട്ട ഏറ്റവും പുതിയ വിവരങ്ങൾ പ്രകാരം ലഗ്വറി പ്രോപ്പർട്ടികളും കോണ്ടോകളും (condos) കൂടുതലുള്ള പ്രദേശങ്ങളിലാണ് വിപണിയിൽ ഏറ്റവും കൂടുതൽ കാലം വിൽപന നടക്കാതെ കിടക്കുന്നത്
ഓൾഡ് ടൊറന്റോയിലെ ചാപ്ലിൻ എസ്റ്റേറ്റ്സ് (Chaplin Estates) പ്രദേശത്താണ് നിലവിൽ വീടുകൾ വിറ്റഴിക്കാൻ ഏറ്റവും കൂടുതൽ സമയം വേണ്ടിവരുന്നത്.
വിപണിയിൽ വീടുകൾ ഏറ്റവും കൂടുതൽ ദിവസം തുടരുന്ന ജിടിഎ പ്രദേശങ്ങൾ
വാഹിയുടെ വിശകലന പ്രകാരം വീടുകൾ വിൽക്കാൻ ഏറ്റവും കൂടുതൽ ദിവസങ്ങൾ എടുക്കുന്ന പ്രധാന പ്രദേശങ്ങൾ താഴെ പറയുന്നവയാണ്.
ചാപ്ലിൻ എസ്റ്റേറ്റ്സ് (Chaplin Estates, Old Toronto): ശരാശരി 77 ദിവസം
ടാൻസ്ലി വുഡ്സ് (Tansley Woods, Burlington): ശരാശരി 71 ദിവസം
ബ്രോൺ ലേക്ക്ഷോർ (Bronte Lakeshore, Oakville): ശരാശരി 65 ദിവസം
ബർലിങ്ടൺ വാട്ടർഫ്രണ്ട് (Burlington Waterfront): ശരാശരി 64 ദിവസം
ക്വീൻസ്ട്രീറ്റ് കോറിഡോർ (Queen Street Corridor, Brampton): ശരാശരി 62 ദിവസം
കോണ്ടോകളുടെ കുതിപ്പും അറ്റകുറ്റപ്പണികളും; വിപണി മന്ദഗതിയിലാകാൻ കാരണങ്ങൾ
ഭവന വിപണിയിലെ ഈ മന്ദഗതിക്ക് പിന്നിൽ പ്രധാനമായും രണ്ട് കാരണങ്ങളാണ് വിദഗ്ധർ ചൂണ്ടിക്കാണിക്കുന്നത്
കോണ്ടോകളുടെ ആധിക്യം: വിപണിയിൽ കോണ്ടോകളുടെ സപ്ലൈ വളരെ കൂടുതലാണ്. ചെറിയ യൂണിറ്റുകൾ വിറ്റുപോകാൻ ഏറെ ബുദ്ധിമുട്ടുന്നു
റെഡി-ടു-മൂവ് വീടുകളോടുള്ള താല്പര്യം: അറ്റകുറ്റപ്പണികൾ (renovations) ആവശ്യമുള്ള വീടുകൾ വാങ്ങാൻ ആളുകൾ താല്പര്യപ്പെടുന്നില്ല. ഉടൻ തന്നെ താമസം മാറാൻ സാധിക്കുന്ന വീടുകൾക്കാണ് ആവശ്യക്കാർ കൂടുതൽ.
