ടൊറന്റോ: ടൊറന്റോയിലുള്ള പ്രശസ്തമായ ‘ഹെല്സ് ഏഞ്ചല്സ്’ (Hells Angels) മോട്ടോര്സൈക്കിള് ക്ലബ്ബിന്റെ റീട്ടെയില് ഷോപ്പില് ബുധനാഴ്ച രാവിലെ തീപിടുത്തമുണ്ടായി. കിഴക്കന് ടൊറന്റോയിലെ കാര്ലോ അവന്യൂവിലുള്ള (Carlaw Avenue) കെട്ടിടത്തിലാണ് സംഭവം. രാവിലെ 6:22 ഓടെയാണ് വിവരമറിഞ്ഞ് അഗ്നിശമന സേന സ്ഥലത്തെത്തിയത്.
ഉദ്യോഗസ്ഥര് എത്തുമ്പോള് കെട്ടിടത്തില് നിന്ന് വലിയ തോതില് തീ ഉയര്ന്ന നിലയിലായിരുന്നു. തുടര്ന്ന് നടത്തിയ വേഗത്തിലുള്ള ഇടപെടലില് തീ പൂര്ണ്ണമായും അണയ്ക്കാന് സാധിച്ചു. അപകടത്തില് ആര്ക്കും പരുക്കേറ്റതായി റിപ്പോര്ട്ടുകളില്ല.
തീപിടുത്തത്തിന്റെ കാരണവും ഉറവിടവും കണ്ടെത്താന് അന്വേഷണം ആരംഭിച്ചിട്ടുണ്ട്. കാര്ലോ അവന്യൂ, ഈസ്റ്റേണ് അവന്യൂവിനും ലേക്ക് ഷോര് ബുളവാര്ഡിനും ഇടയിലുള്ള റോഡ് ഗതാഗതം താല്ക്കാലികമായി നിരോധിച്ചു. സംഭവം ആസൂത്രിതമായ ഒരു ആക്രമണമാണോ എന്ന് പറയാന് സമയമായിട്ടില്ലെന്ന് ടൊറന്റോ പോലീസ് വ്യക്തമാക്കി.
ഹെല്സ് ഏഞ്ചല്സിന്റെ ലോഗോയും ’81’ എന്ന കോഡ് നമ്പറും പതിച്ച വസ്ത്രങ്ങളും ആക്സസറികളും വില്ക്കുന്ന ഈ കേന്ദ്രം 2013-ലാണ് ലെസ്ലിവില്ലില് പ്രവര്ത്തനം ആരംഭിച്ചത്. കൃത്യം രണ്ടു വര്ഷം മുമ്പും ഇതേ സമയത്ത് ഈ കെട്ടിടത്തില് തീപിടുത്തമുണ്ടായിരുന്നത് ദുരൂഹത വര്ദ്ധിപ്പിക്കുന്നുണ്ട്.
